Almatyda Elordanyń 20 jyldyǵyna oraı qalalyq jas aqyndar aıtysy ótti. Alamanǵa 8 aýdannan úzdik dep tanylǵan 16 aıtysker qatysty. Olar bes basty baǵytty qamtyp ótýleri tıis. Onyń qatarynda, «Astananyń bas sáýletshisi – Elbasy», «Máńgilik el» jáne «Qazaq tili - memlekettik til» taqyryptary bar. Ádilqazylar aqyndardyń ónerin baǵalaý kezinde sýyryp salma óneri men daýys mánerine basty mán bermek. Jeńimpazdar arnaıy dıplom jáne aqshalaı syılyqtarmen marapattalady.

«Bul aıtysker aqyndardyń barlyǵy da negizinen úlken sahnada aıtysyp júrgen. Mynaý qazaq aıtysynyń maıtalman aqyndarynyń izin alyp kele jatqan, ókshesin basyp kele jatqan aqyndar. Keleshekte sol aqyndardy almastyrady degen bizdiń úmitimiz bar. Sondyqtan sol aqyndardyń qanatyn qataıtyp alaıyq degen nıetpenen búgin osy qasıetti qara shańyraq Qazaqstan Jazýshylar odaǵynyń ádebıetshiler úıinde mine osy aıtysty uıymdastyryp otyrmyz»,- dedi Almaty qalasy tilderdi damytý basqarmasynyń bólim basshysy Baqyt Qalymbet. 

Sondaı-aq aqparat aıdynyndaǵy kil myqtylar báıgege túsetin «Memlekettik til jáne BAQ» atty qalalyq baıqaýdyń marapattaý sharasy ótti. Onda ózderiniń kásibıligin «Úzdik telejýrnalıst» nomınasıasy boıynsha dáleldegen áriptesterim Ámirbolat Qusaıynuly men Jadyra Omarjan júldeli oryndarǵa ıe boldy. Olardyń reportajdary úzdik dep tanylǵan. 40-tan astam jýrnalıs qatysqan baıqaýda esh tilshi eleýsiz qalǵan joq.