On jylǵa sottalǵan burynǵy Ekonomıka mınıstiri Qýandyq Bıshimbaevtiń tıesili múlikter endi ǵana memlekettiń menshigine ótýde. Solardyń biri – Astana túbindegi Qosshy aýylda salynǵan záýlim kotej sot sheshimimen aýdan ákimdigine berilmek. Ázirge, aýdan basshylyǵy han saraıyndaı úıdi nege paıdalanatanyn naqty jarıalaǵan joq. Bul týraly eýrazıa birinshi arnasy habarlaıdy.
 
Biz qazir sot 62 mılıonnan asady degen eks-mınıstr Qýandyq Bıshimbaevtiń záýlim saraıynyń aldynda turmyz. Biraz ýaqytqa deıin ornalasqan jeri qupıa bolyp kelgen kotejdiń mańyna kópten beri adam bolmaǵany kórinip tur. Al munda kórshileri qurylysty bastap ketken. Alaıda onda jumys istep júrgen qurylysshylar ǵımaratqa sońǵy ýaqytta aty izin salǵan eshkimdi kórmegenderin aıtýda. Tipti anaý ekinshi qabattaǵy ashyq turǵan tereze áli kúnge deıin sol qalpynda tur eken.

Endi bir jylǵa jýyq ýaqyt  bos turǵan záýlim úı jýyrda endi aýdan ákimdiginiń menshigine ótpek. Al ony ákimdik aldaǵy ýaqytta aýylǵa eń qajet bolyp turǵan  mádenıet úıi, nemese balabaqsha aınaldyrý josparynda bar eken.  

«Búgingi kúnde aýylymyzda tapshy mýzykalyq mektepter, mádenıet úı joq soǵan paıdalanýǵa bolady. Oǵan bizde, aýyl turǵyndary da qýanyshty bolar edi» - deıdi Qosshy aýyldyq okrýgy ákiminiń mindetin atqarýshy Sultan Oraqbaı.

Osy jyldyń naýryz aıyndaǵy burynǵy ekonomıka mınıstiri sottalǵan kezde oǵan tıisili múlikter jaıynda aıtylǵan edi. Alaıda bizdiń arnanyń tilshileri zertteý júrgizip, eks-shendiniń kotejin izdep tapqan edi.
Aýmaǵy 500 sharshy metr bolatyn alyp úıde saýna basseın men úlken hol jáne úsh jatyn bólme bar. Sot bolǵan kezde kýáger retinde úıdi árleý isine jaldaǵan dızaınerlerdi shaqyrǵan. Olar úıdi Bıshimbaevqa tıesili ekenin aıtyp bergen bolatyn.


 Evgenıı Novıkov, kýáger dızaıner:
«kraını pravyı znaıý, - kak ego famılá? - Bıshimbaev». 

Buǵan deıin eks-mınıstrdiń áıeli kotejge Bıshimbaev otbasylyq búdjetinen 90 myń dollar jumsaǵanyn aıtqan edi. Qalǵan qarjyny bes adam qosqan. Al «Báıterek Devolopmenttiń» burynǵy tóraǵasy Baqyt Jaqsybaev Qosshydaǵy záýlim kotejdi Bıshimbaev para retinde alǵan aqshaǵa saldy dep túsinik bergen bolatyn. 

Tergeý málimetterine súıensek, jalpy ańshylyq stılinde salynǵan úıdiń qurylysyna shamamen 300 myń dollar jumsalǵan. Endi jylǵa jýyq ýaqyt qańyrap turǵan ǵımarat aldaǵy eki aıdyń ishinde aýdan ákimdigine ótpek.