Qyrkúıekte kún sýytsa da úı jyly bolýy kerek deıdi Aqsaqalov

/uploads/thumbnail/20180730145514180_small.jpg

Oblystyq ákimdiktiń otyrysynda qysqy jylytý maýsymyna daıyndyq barysy týraly SQO ákiminiń orynbasary Anton Fedáev baıandady dep habarlaıdy Qamshy.kz aqparat agenttigi SQO Baspasóz qyzmetine silteme jasaı otyryp. «SEVKAZENERGO» AQ 2-shi JES bıyl jóndeý jumystaryna 4 mlrd.tg baǵyttapty. Oblystaǵy 446 qazandyqtyń 376-sy kezekti maýsymǵa daıyn. 646 bilim oshaǵynyń 461-i, 582 densaýlyq saqtaý mekemesiniń 480-i saqadaı saı.

«Petropavl Jylý Jelileri» JSHS 2018 jyly 12 shaqyrymǵa sozylǵan jylý qubyryn qaıta jańǵyrtyp, jóndeýdi  kózdegen. Jumys josparǵa saı júrgizilýde. Oblys ákimi Qumar Aqsaqalov kompanıanyń basshysy Vıktor Rybasqa byltyrǵy olqylyqtardy qaıtalamaýdy surady.   

«Byltyr jazǵy maýsym kezinde jóndeý jumystary óte sylbyr júrgizildi. Keıbireýler kúz erte keldi deıdi. Másele onda emes. Biz josparǵa saı jumys jasaýymyz kerek. Bıyl qyrkúıek aıynda aýa raıy kúrt sýytsa, ne isteısizder? Sondyqtan, 1-shi qyrkúıekke deıin barlyq josparlanǵan jumystardy aıaqtaý qajet»,- dedi Qumar Aqsaqalov.

Anton Fedáevtyń aıtýynsha, bıyl búdjettik uıymdarǵa qajet kómirdiń kólemi 141 myń tonnany quraıdy. Barlyq kólem temir jol stansalaryna jetkizilip, qazir uıymdarǵa taratylý jumystary júrgizilýde. Turǵyndardyń kómirge degen suranysy 364 myń tonna. Osy kúnge deıin jeke úılerdiń ıeleri  80 myń tonna kómirdi satyp aldy.

Óńir basshysy bul baǵytta aýdan ákimderi kómirdi jetkizý prosesin kún saıyn qadaǵalap, turǵyndarmen túsindirý jumystaryn júrgizý kerek dedi.

 

 

Pikir qaldyrý

Qatysty Maqalalar