Qazirgi tańda Qazaqstanda polıseılerdiń jumysyna kóńili tolmaıtyndar jetip artylady. Ásirese Denıs Tenniń óliminen keıin «Almatynyń dál ortasynda, tapa-tal túste adamdy pyshaqtap, kóliginiń aınasyn urlap ketkeni – polısıa jumysynyń osaldyǵynan» degen pikir órshı tústi.

Budan bólek polıseılerdiń kúdiktilerdi uryp-soǵý sekildi zańsyzdyqtar oryn alatynyn týraly da aqparat jıi shyǵyp turady.

Áleýmettik jelide osydan biraz ýaqyt taralsa da óz mánin joǵaltpaǵan vıdeo kóptiń júregine jylý syılady. Sebebi qandaı maman bolmasyn, ol meıli polıseı bolsyn ol eń aldymen – adam. Adamǵa tán janashyrlyq, adamnyń jaǵdaıyn túsine bilý, meıirimdilik tanytý sekildi uǵymdar basty orynda turatynyn taǵy bir kórsetti.

Bangkok turǵyny polısıa bólimshesine pyshaqpen polısıa qyzmetkerlerine shabýyl jasamaq bolǵan. Anırýt Malı esimdi ofıser tapanshamen qorǵanýdyń ornyna er adamǵa qarama-qarsy baǵytta otyryp, onymen sóılesýge tyrysty. Sýyq qarýdy berýge kóndirdi. Odan keıin eshkim kútpegen jaǵdaı boldy. Polıseı er adamdy qushaqtap ony tynyshtandyrýǵa tyrysty.

45 jastaǵy tártip buzýshy esin jıa bastady. Polıseıler oǵan sý ákelip berip, onyń nendeı jaǵdaıdy bastan ótkergenine qulaq asty.

«Ol mýzykant, biraq kúzetshi bolyp jumys isteýge májbúr bolǵan. Birneshe kún oǵan jalaqy tólemegen. Oǵan qosa gıtarasyn urlap ketken. Osy jaǵdaılardyń barlyǵy oǵan áser etken», deıdi ofıser Anırýt Malı.

Malı er adammen birge tústenip, oǵan gıtara syılaǵan eken.