Qamshy.kz aqparat Halyq banktiń Qazkommersbankpen tolyqtaı birigýi týraly bank basshysymen suhbatty jarıalaǵan bolatyr.  Halyq bankiniń bólshek saýda departamentiniń dırektory Dınara Amanbaevaǵa bank júıesin biriktirýden keıingi nátıje týraly saýaldar qoıdyq.

Eki júıe qurýshy banktiń birigý prosesi aıaqtalýǵa jaqyn. Klıentterdiń kóbisin birikken bank ónimder, qyzmetter men servısterdiń qandaı túrin usynady jáne olardy qandaı jańalyqtar kútip tur degen suraq mazalaýda. Halyk Bank-tiń bólshek saýda bıznesi departamentiniń basshysy Dınara Amanbaeva bul suraq tóńiregindegi barlyq kúdikti joıýǵa tyrysady.

Integrasıa nátıjesinde Qazkommersbank klıentterin qandaı ózgerister kútip tur? Salymshylarǵa, qaryz alýshylarǵa, karta ustaýshylarǵa kórsetiletin qyzmettiń sharttary qandaı bolmaq?

• Bul máselede biz úshin eń mańyzdysy - klıentterge yńǵaısyzdyq týǵyzbaı olardy bank bólimshesine kelý, qandaı da bir qosymsha qujattardy jınaý jáne qol qoıý qajettiliginen aryltý. Sondyqtan, Qazkommersbank klıentteriniń qaryzdary men salymdary boıynsha jáne barlyq ónimderdiń aǵymdaǵy, nesıelik, jınaq shottary Halyq bankke burynǵy bekitilgen sharttarmen kóshedi. Qazkom kartalary týraly aıtar bolsaq, burynǵy shartpen bekitilgen barlyq tarıfter men mólsherlemeler kartalardyń qoldanylý merzimi aıaqtalǵanǵa deıin saqtalady, sodan keıin biriktirilgen Halyq banktiń talaptarymen qaıta shyǵarylatyn bolady.

Kóptegen klıentterdi tarıf máselesi qyzyqtyrady, tipti keıbireýleri komısıanyń mólsheri ósedi dep te aıtyp júr.

• Siz durys aıtasyz, Halyk pen Qazkom-nyń tarıftik kestelerinde  aıtarlyqtaı aıyrmashylyqtar, uqsas nemese ózge operasıalaryn oryndaý úshin qolaısyz bolǵan kóptegen túrli komısıalar bar edi. Sondyqtan biz osy prosesti jeńildetý maqsatynda biryńǵaı tarıftik kesteni ázirledik. Bul rette, belgili bir tarıfti kóteretin bolsaq, buny klıentter durys qabyldamaıtynyn túsinip, naryqtaǵy bar tarıfterdi qarastyryp, asa tıimdisin negizge aldyq. Soǵan qaramastan, biz tarıfterdi birden ózgertip, ósirýdi kózdemeımiz jáne bul týraly biz senimmen aıta alamyz. Ónimderge jáne qyzmetterge jańa tarıfterdi engizý týraly aqparat klıentterge ýaqtyly jáne tolyq kólemde jetkiziledi jáne olarmen www.halykbank.kz saıtynan tanysýǵa bolady.

Qazkommersbanktiń qandaı ónimderi Halyq bankke ótedi, birikkennen keıin qandaı servıster qoljetimdi bolady?

• Tarıhqa kóz júgirtetin bolsaq, Halyq banktiń jalaqylyq joba qatysýshylaryna arnalǵan ónimderi myqty, al Qazkommersbank aýqymdy aýdıtorıa úshin jumys istedi. Sáıkesinshe, maqsatty ónimder jelisine qos banktiń bir-birin ózara tolyqtyratyn ónimderi men qyzmetteri kiredi jáne biriktirilgen Halyq banktiń kartasy boıynsha jalaqy alatyndar úshin Halyk bank-tiń barlyq ónimderi, al qalǵan klıentteri úshin endi Qazkom-nyń qyzmetteri men servısteri qoljetimdi bolady. Iaǵnı úzdik sharttardyń ózindik «gıbrıdi» bolmaq: jalaqy jobasyna qatysýshylarǵa jyldyq 1%-dan bastalatyn (JTSM jyldyǵy 1,1%) mólsherlemesimen, al qalǵan klıentter úshin - jyldyq 7%-dan (JTSM jyldyǵy 24,3%) bastalatyn kepilzatsyz zaımdar qoljetimdi bolady.

Qazkom-nyń kredıttik kartalaryna qatysty aıtar bolsaq, biriktirilgen bankte MyCard jáne American Express kartalarynyń barlyq jelisi sıaqty tanymal ónimder tolyq saqtalady. Bastapqyda Qazkom-nyń kredıttik karta ustaýshylaryna arnalǵan Homebank Orange baǵdarlamasy Halyk-tyń kredıttik karta ıelerine de qoljetimdi bolady. Buǵan qosymsha, biz, shyǵarylatyn kartalarymyzdyń mártebesin kóteremiz – budan bylaı kartalaramyz tıimdi qyzmetterdiń toptamasymen tolyqtyrylady (saqtandyrý, mýltıvalútalyq, nıettestik baǵdarlamasy jáne t.s.s.) Visa Gold / MasterCard Gold. 

Biriktirilgen bank klıentteri úshin nıettestik baǵdarlamasynyń órisi da keńeıe túspek. Biriktirilgen bank klıentteriniń naqty qalaýyna baılanysty jastarǵa, saıahattaýshylarǵa, analarǵa, zeınetkerlerge jáne t.b. arnalǵan arnaıy usynystar bolady. Biz sýpermarketterde, kıim dúkenderinde, janarmaı quıý beketterinde tólem jasaǵany úshin bonýstar usyný sıaqty servısterge jiti mán beremiz.

Kepilzatty qaryzdarmen jumys qalaı órbıdi?

- Biriktirilgen bankte ıpoteka Halyq banktiń kartasy arqyly jalaqy alýshylardan basqalarǵa da qoljetimdi bolady. Jalaqy jobasynyń qatysýshylary jyldyǵy 12,5%-dan bastalatyn (JTSM jyldyǵy 14,8%), qalǵan klıentter - 17%-dan bastalatyn (JTSM jyldyǵy 18,9%) mólsherlememen ıpotekalyq qaryz ala alady. Ipotekalyq qaryzdyń eń uzaq merzimi 20 jyldy quraıdy, bastapqy jarnanyń eń tómengi mólsheri – satyp alynatyn jyljymaıtyn múliktiń qunynan 20%-dan bastalady (qosymsha kepilzat qoıylǵanda 0%).

Buǵan qosa Qazkom-nyń jalaqy jobasynyń barlyq qatysýshysy bankter birikkennen keıin seriktes avtosalondar jelisinen, sonymen qatar otandyq avtokólik óndirýshilerdi qoldaý memlekettik baǵdarlamasy boıynsha jańa kólik satyp alýǵa bastapqy jarnasyz avtokredıt resimdeı alady. Mundaı qaryzdardyń sharttary klıentterdiń kópshiligi úshin qoljetimdi bolmaq. 

Birikken banktiń ónimderi boıynsha aqparat túsinikti, al klıentterge qyzmet kórsetý salasynda qandaı ózgerister bolmaq?

• Biz klıentterge qyzmet kórsetý sapasyn baqylaıtyn arnaıy bólimshe qurýǵa kiristik. Bank ishinde túrli prosesterdi avtomattandyrǵan saıyn kórsetetin servısimizdiń de sapasy ósedi dep úmittenemiz. Bul, árıne, uzaq proses, baǵalap kórsek birneshe aıǵa sozylady eken, soǵan qaramastan biz klıentterge qyzmet kórsetýde sapa men jyldamdyqqa jáne qyzmetkerlerdi daıyndaý jáne oqytý máselesine asa mán beretin bolamyz. Sondyqtan servısimizdiń deńgeıi budan ári kóterile túsedi dep senimdi túrde aıta alamyn.

Bul taqyrypty qozǵaǵan soń banktiń eń talǵampaz klıentteri týraly da suraǵan jón bolar.

— Halyq bankte mundaı klıentter úshin arnaıy premıým aımaqtary qurylǵan. Qazkommersbankte mundaı aımaq PERSONA dep atalatyn. Sonymen qatar, Qazkom-da áleýmettik dárejesi, kirisi men depozıttiń kólemi boıynsha aıryqsha klıentterdiń qosymsha tólemine premıaldy segmentke arnalǵan bólimshelerden qyzmet alý múmkindigi qarastyrylǵan bolatyn. Mine, bul qyzmet biriktirilgen Bankke ótip, Premıým dárejesindegi klıentter úshin Vip menedjer, sondaı-aq Jeke menedjer qyzmeti engizilip, bul segmenttegi klıentterge joǵary dárejedegi qyzmet alýǵa múmkindik beredi.    

Fılıal jelisimen ne bolady? Qazkommersbanktiń bólimsheleri jabylady ma, álde olardyń bári Halyq banktiń fılıal jelisine qosylady ma?

• Biz Qazkom bólimshelerin jappaı jabýdy josparlap otyrǵan joqpyz. Árıne, Halyq bank pen Qazkommersbanktiń jaqyn ornalasqan bólimsheleri birin-biri qaıtalamas úshin olardy ońtaılandyrý sheshimin qabyldap jatyrmyz, ıaǵnı keıbir bólimsheler jabylady, al keıbiriniń mekenjaıy aýysady nemese bir iri bólimshe bolyp biriktiriledi. Biz, árıne qazirgi klıenttik bazaǵa qyzmet kórsetý úshin satý arnalarynyń kólemin barynsha qaldyrýǵa tyrysamyz. Qos banktiń qaıtalanatyn bólimshelerin ońtaılandyrý boıynsha júrgizilgen jumystardy eskeretin bolsaq birikken bankte klıentterge qyzmet kórsetýdiń 635 satý arnasy qyzmet etedi. 

Bul biryńǵaı standartqa keltirilgen ári tártiptelgen eń iri jáne keń damyǵan aımaqtyq jelisi bolady dep kózdelýde. Qazkommersbanktiń qabyldanatyn 166 bólimshesin ornalasqan mekenjaıy, personal shtaty, klıentterdiń aǵymyna sáıkes bóletin bolamyz. Bul jerde aıta keterlik bir jaıt, bizde Business - bólimsheniń jańa nusqasy paıda bolady. Bul bólimshelerde tek zańdy tulǵalarǵa qyzmet kórsetiledi. Ázirge shamasy 32 danasy ashylady dep kútilýde. Buǵan qosymsha Halyq Banktiń ónimderi men servısin kásipkerler men halyqqa qyzmet kórsetetin bank qyzmetiniń 54 ortalyǵy qurylady.

2015 jyly QKB men BTA birikken kezde bólimshelerde kezekte turý máselesi týyndady. Bul másele kóptegen bank operasıalaryn ınternet-bankıngke, bankomatqa, tólem termınaldaryna aýdarý arqyly sheshilgen bolatyn. Al qazir osyndaı máseleniń aldyn alýdy qalaı josparlap otyrsyzdar?

Klıentterdi ınternet jáne mobıldi bankıng, bankomattar, tólem termınaldary jáne mýltıkıoskiler sıaqty qashyqtyqtan qyzmet kórsetý arnalaryna kóshirý boıynsha úlken josparlarymyz bar, ıaǵnı klıentter onlaın tártibinde aqshalaryn aýdaryp, tólemderin jasap qana qoımaı, depozıtter de asha alady, kartalar shyǵarýǵa jáne kredıtter resimdeýge ótinimder de bere alady. Buǵan qosymsha retinde biz Qazkomnyń beınebankıngin de belsendi túrde engizýdemiz, ol klıentterge qyzmet kórsetýdi aıtarlyqtaı jyldamdatýǵa, osylaısha bank bólimsheleriniń jumysyn jeńildetýge múmkindik beredi. Osy jańalyqtyń barlyǵy – zaman talaby, sondyqtan, biz, mıllıondaǵan klıentterimizge barynsha jyldam ári sapaly qyzmet kórsetý úshin eń aldyńǵy qatarly jáne zamanaýı qarjylyq sheshimderdi endiremiz.