Atom energıasy agenttigi Qazaqstanda AES-tiń qaýipsiz jumys isteýine jaýapty bolatyn memlekettik organdardy atady.
Iadrolyq jáne radıasıalyq qaýipsizdikke negizgi qadaǵalaýdy Atom energıasy agenttiginiń Atomdyq qadaǵalaý jáne baqylaý komıteti júzege asyrady. Ol paıdalaný prosesinde barlyq qaýipsizdik talaptarynyń saqtalýyn lısenzıalaý, ınspeksıalaý jáne baqylaýǵa jaýapty.
Ekologıa jáne tabıǵı resýrstar mınıstrligi ekologıalyq normatıvterdiń saqtalýyn, sonyń ishinde shyǵaryndylardy, qaldyqtarmen jumys isteýdi jáne qorshaǵan ortaǵa radıasıalyq áserdi baqylaýǵa alady.
"Óz quzyreti sheginde basqa da memlekettik organdar tartylatyn bolady: ónerkásiptik qaýipsizdik, sý resýrstaryn qorǵaý, sanıtarlyq baqylaý, tótenshe jaǵdaılar jáne basqa baǵyttardaǵy suraqtar boıynsha. Iadrolyq qaýipsizdik jónindegi halyqaralyq standarttardyń saqtalýyn baqylaýdy Qazaqstan qabyldaǵan halyqaralyq mindettemeler aıasynda MAGATE júrgizedi", – dep habarlady vedomstvo.
