Kólik mınıstri Marat Qarabaev qyzmetinen bosatylǵannan keıin, onyń mindetin ýaqytsha vıse-mınıstr Maqsat Qalıaqparov atqaryp jatyr.
Premer-mınıstr Oljas Bektenov kólik salasyndaǵy iri ınvestısıalyq jobalar boıynsha keńes ótkizdi. Onda Qaýipsizdik Keńesi otyrysynda aıtylǵan Prezıdent tapsyrmalarynyń oryndalý barysy qaraldy.
"Jıynda kólik mınıstriniń mindetin atqarýshy Maqsat Qalıaqparov, sondaı-aq "QTJ" UK" AQ basqarma tóraǵasy Nurlan Saýranbaev, "QazAvtoJol" UK" AQ basqarma tóraǵasy Darhan Imanashev baıandama jasady", - delingen habarlamada.
Kólik mınıstrliginiń saıtyndaǵy aqparatqa sáıkes, Qalıaqparov 2023 jylǵy 6 qazannan beri vıse-mınıstr qyzmetin atqaryp keledi.
