«Jas Otan» JQ jáne «Bolashaq» Qaýymdastyǵy aýyldyq jerlerde aǵylshyn tilin oqytatyn eriktilerdi qabyldap jatqany týraly habarlaıdy.

Oqýshylardyń aǵylshyn tili deńgeıin arttyrý maqsatynda «Jas Otan» JQ jáne «Bolashaq» Qaýymdastyǵy «English for Jastar» atty jobany iske asyryp jatyr.

Aǵymdaǵy jyldyń qyrkúıek aıynda joba iske qosylady. Osyǵan oraı, uıymdastyrýshylar aǵylshyn tilin jetik biletin barlyq azamattardy yntymaqtastyqqa shaqyrady.

Jobaǵa qatysyp, jastardyń bilimin jetildirýge úlesimdi qosamyn degen joǵary oqý oryndarynyń stýdentteri nemese túlekteri, kez kelgen mamandyq ıeleri qatysa alady. Alaıda «Shet tili: eki shet tili», «Shetel fılologıasy», «Aýdarma isi», «Halyqaralyq qatynastar» mamandyǵynyń stýdentteri men túlekterine basymdyq beriledi. Basty talaptarynyń biri - aǵylshyn tili Intermediate deńgeıinen kem bolmaýy, orys jáne qazaq tilderinde erkin sóıleı alýy. Balalarmen jumys isteý tájirıbesi men erikti bolýǵa qulshynysy joǵary adamdardy shaqyrady. Jobaǵa qatysýǵa múmkindik alǵan eriktiler belgili bir ýaqyt aralyǵynda sol eldi mekende ómir súrip, oqýshylarǵa arnaıy aǵylshyn tilinen uıymdastyrylǵan qosymsha sabaqtardy júrgizedi.

«English for Jastar» jobasy elimizdiń 14 óńirinde iske asyrylady. Jobaǵa qatysýǵa shetelden birneshe erikti qyzyǵýshylyq bildirdi.