Astanada sýdıa Sabyrjan Kárimov Perızat Qaıratqa qatysty úkim shyǵardy, dep habarlaıdy Qamshy.kz aqparat agenttigi.
Perızat Qaırat 10 jylǵa bas bostandyǵynan aıyryldy. Al onyń anasy Ǵaını Alashbaeva 7 jylǵa sottaldy.
TÁRKİLENGEN MÚLİKTER:
- Urlanǵan qarajatqa satyp alynǵan múlikteri:
- «Vela Village» kotej qalashyǵyndaǵy jeke úı;
- «Akbulak Riviera», «Sensata Plaza», «Highvill Ishim Gold», «Kók Jaılaý» turǵyn úı keshenderindegi páterler men turaq oryndary;
- «Mercedes-Benz S450» 2024 j., «Lexus LX 600» 2024 j.;
- «Rebel Flowers» JSHS-niń jarǵylyq kapıtalyndaǵy 100% úlesi;
- 97 mln teńgeden astam qarajat jáne 22 myń AQSH dollary tárkilendi.
- Jábirlenýshilerdiń azamattyq talap qoıýlary qanaǵattandyryldy.
- Úkim zańdy kúshine engen joq.
Perızat Qaırat pen onyń anasy Ǵaını Alashbaevaǵa QR QK 190-baby 4-bóliginiń 2-tarmaǵy, 218-baby 3-bóliginiń 3-tarmaǵy jáne 2-bóliginiń 1-tarmaǵy boıynsha qylmystyq is qozǵalǵan. Prokýrorlardyń málimetinshe, 2021 jyldan 2024 jylǵa deıin Perızat Qaırat pen onyń anasy 3,5 mlrd teńgeni qolma-qol sheship alǵan.
