Vıdeo suhbatty jarıalaý barysynda Yqylas: «Qabylbek aqsaqalmen alty saǵatqa jýyq áńgimelesip, áńgimesin beınetaspaǵa jazyp aldyq. Janymyz aýyra otyryp jarty saǵatqa qysqartqan beınebaıan kóp áńgimeniń kózmonshaqtaı bir úzigi ǵana. Barlyǵyn  tolyqtaı berýge kórermenniń ýaqytyn aıadyq», - degen tuǵyn.

Jarty saǵatqa jýyq áserli suhbatty kórip shyqqan soń «shirkin, qysqartyp, montajdaý barysynda talaı áserli áńgime tasada qaldy-aý, Yqylastyń ózimen jolyqqanda bul jaıly surarmyz» dep oılap júr edik. Sáti túsip Astanada jolyqtyq, áńgimelestik. «Álıhannyń azamattyq ómiri men kisilik kelbetin kórsetetin bir keremet detal bar edi, sol jerin jigitter baıqamaı qysqartyp jiberipti» degen jerin ózinen jazyp aldyq.

Áńgime bylaı bolady. Bir kúni Semeı shárisine Sáken Seıfýllın keledi. Álıhan Bókeıhanov kútip alady. At arbamen kele jatqandarynda, ne saıtan túrtti eken, kóshege tezegin tastamaı úırengen janýar kúıisinen jańylyp, tezegin tastaıdy. Dál sol kezde Ramazan atqosshynyń búıirine sart etip taıaq tıedi. Tosynnan tıgen taıaqqa Ramazan marqum artyna jalt qaraıdy. Eýropanyń aqsúıekteri sekildi qolyna taıaq ustap, seri júretin Sáken: «Munyń ne? Atty durys baptap úıretpeısiń be!», - dep ekinshi ret urmaqshy bolǵanda, Sákenniń taıaq ustaǵan qolyn shap berip ustap alǵan Álıhan: «Sáke, bir ashýyńdy ber, mal maldyǵyn qylady da», - dep sabyrǵa shaqyrady. Artyna burylǵan Ramazan atqosshy Álıhannyń kózindegi tamyp keterdeı úıirilip tunǵan jasty kórip, ańyryp turyp qalady. «Mine, osyndaı kisi edi, anamdaı meıirimdi edi. Ary qarap ketken arysym beri burylyp kelmedi ǵoı. Sondaı meıirimdi, sondaı adal kisini kózi qıyp, qaıtip atty eken bul úkimet. Osyny túsine almadym», - dep kózine jas alatyn Ramazan ákem». Qabylbek aqsaqaldyń da únin óksik jaılap, aıtqany osy eken.

 Jazyp alǵan Yrysbek DÁBEI

skifnews.kz