Taldyqorǵan garnızony Áskerı polısıasy bóliminiń jeke quramy «Mektepke barar jol» aksıasy aıasynda turmysy tómen otbasyna qaıyrymdylyq sharasyn ótkizdi. Sharanyń maqsaty jaǵdaıy tómen otbasylarǵa áleýmettik kómek kórsetý, balalarynyń oqýǵa degen yntasyn arttyrý.

Bıyl áskerı qyzmetshiler tuńǵysh ret mektep tabaldyryǵyn attaǵaly otyrǵan Kenjetaı Sanjardy kıim-keshekpen, mektepke qajetti oqý qural-jabdyqtarymen qamtamasyz etti.

Sanjar úıdegi 2 balanyń úlkeni. Odan bólek bul otbasynda 1-toptaǵy múgedek 5 jasar qyz bar. Anasy jumyssyz.

* Árbir kómek biz úshin qýanysh. Balamdy mektepke daıyndap, shyǵynyn túgel kóterip alý tipti úlken baqyt, aıtar alǵysym sheksiz, - dedi anasy Jadyra.

Taldyqorǵandyq áskerı qyzmetshiler atalǵan qaıyrymdylyq aksıasyna jyl saıyn atsalysady. Jaǵdaıy tómen, turmysy nashar otbasylar úshin demeýshiler izdestirip, qoldarynan kelgenshe aıanbaı kómek kórsetýde. Bul shara jyl saıyn dástúrli túrde ótkizilip keledi.