Atyraýda segiz kóp qatarly turǵyn úıde jóndeý jumystary aıaqtaldy

    Nazerke Labihan
    Atyraýda segiz kóp qatarly turǵyn úıde jóndeý jumystary aıaqtaldy

    Turǵyn úılerdi jóndeýden ótkizý jumystaryn tamyz aıynyń basynda aıaqtaý josparlanyp otyr, dep habarlaıdy Atyraý qalalyq ákimdiginiń baspasóz qyzmeti.Bıyl termojańǵyrtý baǵdarlamasy boıynsha qurylys jumystary 8 úıde, atap aıtsaq, Avangard yqsham aýdanynda, Sátpaev kóshesi men Vokzal mańy yqshamaýdanynda bastaldy. Tamyz aıynyń basynda merdigerler 8 úıdi PIK-ne tapsyrady. Qazir Avangard-2 yqshamaýdanyndaǵy №15 kóp qatarly turǵyn úıde jóndeý jumystary bitti. 

    -Munda jumysshylar úıdiń shatyryn, elektr symdar júıesin aýystyryp, podezderdi áktedi, domofon ornatty, ystyq, salqyn sý júretin turbalardy jóndedi, jertóleni qurǵatyp, jóndeýden ótkizdi. 
    Merdiger mekeme, sondaı-aq, káriz turbalaryn aýystyryp, barlyq podezderge jylý eseptegish ornatty, endi turǵyndar jylýdy únemdeıtin bolady. Termojańǵyrtý baǵdarlamasy aıasynda úıdiń aldy tolyq boıalyp, balkonnyń syrtqy jaǵyna metalprofıl ornatyldy, podezderdiń terezeleri aýystyryldy, -deıdi 
    «Turǵyn úılerge komýnaldyq qyzmet kórsetý» JSHS basshysynyń orynbasary Rústem Qabdol.

    Qazir, sonymen qatar, qaıtarylǵan qarajat esebinen oblys ortalyǵyndaǵy taǵy da 4 turǵyn úıde jóndeý-qalpyna keltirý jumystary bastaldy. Munda da barlyq komýnıkasıalar jańartylyp, shatyr aýystyrylady. Erterekte salynǵan alty turǵyn úıge lıft ornatý da josparda bar.

    -Bıyl jyl aıaǵyna deıin 13 turǵyn úıge kúrdeli jóndeý jasaýdy josparlap otyrmyz. Onyń jeteýinde komýnıkasıalar jańartylady, B.Momyshuly kóshesindegi úsh úıge, Sátpaev kóshesindegi 52,54,56 úılerge, barlyǵy alty úıge jańa lıft ornatylady,-deıdi Rústem Qabdol.

    Bıyl termojańǵyrtý baǵdarlamasyn júzege asyrýǵa qalalyq búdjetten 430 mln teńgege jýyq qarjy bólindi. Onyń 70 paıyzy ıgerildi, aldaǵy qyrkúıek aıynda tolyq ıgeriledi.

    Qatysty Maqalalar