Elbasynyń «Bolashaqqa baǵdar: rýhanı jańǵyrý» baǵdarlamasy aıasynda kıeli jerler geografıasyna baǵyttalǵan halyqaralyq ekspedısıa jolǵa shyqty. «Nur Otan» partıasy Atyraý oblystyq fılıalynyń uıymdastyrýymen qolǵa alynǵan saıahat syrly Saraıshyqtan bastaý aldy.

Uıymdastyrýshylardyń aıtýynsha, ekspedısıa músheleri endigi ýaqytta Túrkistan qalasyna at basyn buryp, Arystanbab,  Qoja Ahmet Iassaýı, Áıteke bı kesenelerine baryp, onnan asa tarıhı orynmen tanysady. Olardyń basty maqsaty – kıeli jerlerde bolyp, jat elde damyl tapqan batystyń azýly bıine taǵzym etý, olarǵa qatysty tyń málimetter jınaqtaý.

Aıta ketý kerek, ulttyq qundylyǵymyzdy ulyqtar bul ekspedısıa quramynda ǵalymdar, belsendi jastar, blogerler men atalǵan partıa fılıalynyń bir top qyzmetkerleri bar.