Májilis depýtattary, «Nur Otan» partıasy fraksıasynyń músheleri Berik Ospanov, Darhan Myńbaı, Ýalıhan Qaınazarov Túrkistan oblysynyń, Túrkistan qalasyna jumys saparymen keldi, dep habarlaıdy Qamshy.kz aqparat agenttigi QR Parlamenti Májilisi Apparatynyń Baspasóz qyzmetine silteme jasap.  

Depýtattar ındýstrıaldy aımaq «Gran Mıks»  JSHS jıhaz shyǵaratyn óndiris ornynyń qazirgi tynys-tirshiligimen tanysty. Sondaı-aq,  qala ákimi apparatynda sáýlet jáne qala qurylysy bóliminiń ujymymen kezdesip, bolashaq josparlar boıynsha pikir almasty.

Halyq qalaýlylary Orańǵaı aýylynda ornalasqan qus fabrıkasynda boldy.

Árbir júzdesýde, Elbasynyń mańyzdy áleýmettik bastamalary tóńireginde keńinen áńgime qozǵalyp, olardy zańnamalyq turǵydan qoldaý jumystary aıtyldy.