2018 jylǵy 24 tamyzda «Juldyzdardyń HQO-daǵy bir kúni» atty is-shara ótedi dep habarlaıdy Qamshy.kz aqparat agenttigi. «Azamattarǵa arnalǵan úkimet» memlekettik korporasıasy» komersıalyq emes aksıonerlik qoǵamynyń baspasóz qyzmetiniń usynǵan málimetine sáıkes tanymal qoǵam qaıratkerleri men shoý-bıznes juldyzdary Astana men Almaty qalalaryndaǵy, sonymen qatar Aqmola jáne Almaty oblystaryndaǵy HQO-larda bir kún jumys istemek. Árbir front-ofıste jobanyń eki qatysýshysynan jumys jasaıtyn bolady deıdi olar. 

"Almaty qalasyndaǵy Medeý aýdandyq bólimde Aıjan Nurmaǵanbetova, Myrzahan Mahanov, Qaskeleń qalasyndaǵy HQO-da Marat Omarov pen Ázimbek Baılın halyqqa qyzmet kórsetpek. Astana qalasyndaǵy mamandandyrylǵan bólimde Qydyráli Bolmanov, Qurmash Mahanov, Aqmol aýyldyq HQO-da jýrnalıs Ǵanı Japıshev pen Shaharızat Seıdahmet halyq ıgiligi úshin óz qyzmetin usynbaq. Munyń bári 2020 jylǵa deıin qazaqstandyqtardyń sıfrlyq bilimin jetildirý, úıde otyryp-aq memleket usynǵan barlyq elektrondy múmkindikterdi paıdalanýǵa úırensin degen maqsatta uıymdastyrylyp jatqan sharalar. Bir aıta keterligi, ıdeıa mınıstrliktiki. Aldaǵy ýaqytta biz de osyndaı aýqymdy is-sharalardy ótkizgimiz keledi. Oǵan tek estrada juldyzdaryn ǵana emes, qoǵam qaıratkerlerin de tartpaqshymyz" dedi Jańyl Ápetova Qamshy.kz tilshisine bergen suhbatyna.