Tabıǵı eskertkish bolyp tabylatyn «Baým baǵynyń» aýmaǵy Almaty qalasynyń komýnaldyq menshigine ótkennen soń megapolıs ákimdigi jeke tulǵalar men avtosalon ıeleriniń kólik turaǵyn uıymdastyrý úshin jer telimin óz betterinshe basyp alǵandyǵyn anyqtady.

Maýsym aıynyń sońynda Almaty ákimi Baýyrjan Baıbek zańǵa sáıkes basyp alynǵan jer telimderin qaıtarýdy jáne ony jasyldandyrýdy tapsyrǵan edi. Tabıǵı resýrstar jáne tabıǵatty paıdalanýdy retteý basqarmasynyń aqparaty boıynsha qazirgi kezde megaolıstiń eń úlken jáne jasyl aýmaǵyndaǵy barlyq jer ýchaskeleri qalaǵa qaıtaryldy.

Bulardan ózge, qoǵamdyq qaýipsizdikti qamtamasyz etý maqsatynda baq perımetri boıynsha táýlik boıyna jumys isteıtin polısıanyń tórt postysy iske kiristi, sonymen qatar buryn qulaǵan aǵashtardan jasalǵan eko-stıldegi navıgasıalyq taqtaıshalar, oryndyqtar qoıyldy. Terek, emen, qaıyń aleıalary úshin aǵashtar otyrǵyzý josparlanǵan.

Aǵashtardyń ımýnıtetin arttyrý jáne zıankesterden qorǵaý úshin zamanaýı preparattardy arqyly jasyl jelekter bıologıalyq óńdeýden ótetin bolady. Tabıǵı aımaqta flora men faýnany keńeıtý mindeti qoıylǵan.

Aıta keterligi, Almatyda sońǵy aılar ishinde taǵy da birqatar jer telimderi memleket menshigine qaıtaryldy.

Ákimdiktiń qaýlysy boıynsha QİYO «Atakentke» 23 gektar jer telimin ýaqytsha jalǵa berý kelisimi kúshin joıdy. «TURKUAZ GROUP OF COMPANIES» kompanıasy «Iýjnyı» parki ýchaskesinde turǵyn salýdan óz erkimen bas tartty.

Ekinshi deńgeıli banktiń birimen Rozybakıev-SHtraýs-Esqaraev-Radostoves kósheleri aýmaǵyndaǵy jer ýchaskesin memleket menshigine qaıtarý týraly kelisimge qol jetkizildi. Saq qorǵany ornalasqan bul jerge ashyq aspan astyndaǵy Mýzeı salý josparlanǵan.

Sonymen qatar, Almaty ákimdigi qala ıpodromy men "Saıran" avtovokzalyn tarıhı-mádenı mura obektileriniń aldyn-ala jasalǵan tizimine engizdi.

Ótken aptada megapolıs ákimi Baýyrjan Baıbek Abaı kóshesi boıyndaǵy Túrksib aýrýhanasynyń burynǵy ǵımaratyn Almaty qalasy tarıhynyń eskertkishteri tizimine engizý máselesin qarastyrýdy tapsyrdy.

Ǵımaratty tarıhı-mádenı muralar tizimine engizý onyń syrtqy kelbetin jáne ishin,konstrýksıalaryn, qurylysyn, maqsatty paıdalanylýyn ózgertýge jáne qorǵalatyn aýmaǵyn buzýǵa tyıym salyady. Nysandy ózgertýge,jóndeýge jáne rekonstrýksıalaýǵa qatysty kez-kelgen sharalar ókiletti organnyń kelisimimen ǵana júrgiziledi.