Almatyda sońǵy úsh jyl ishinde jalpy uzyndyǵy 500 km bolatyn 524 kóshe jóndeldi.

Sonymen, 2016 jyly Jolaýshylar kóligi jáne avtomobıl joldary basqarmasy tarapynan 196 kósheniń 140 shaqyrymyna ortasha jóndeý jumystary júrgizildi. Aǵymdaǵy jóndeý jumystarymen barlyq magıstraldy kósheler men jergilikti joldardyń 80%-y qamtyldy. Jaıaý júrginshi úshin 30,5 km trotýarlar jasaldy.

2017 jyly uzyndyǵy 147,1 km bolatyn 170-ten astam kóshe ortasha jóndeýden ótti. 37,5 km trotýarlar salyndy jáne jóndeldi. Shevchenko, Qonaev, Ótepov kósheleri men 23 burylystardaǵy eski tramvaı joldary alynyp, qozǵalys bóligi keńeıdi, 16,7 shaqyrymǵa jańa asfált tóseldi.

Almatyda bıylǵy jyly ortasha jóndeý jumystarymen uzyndyǵy 155 shaqyrymnan astam taǵy da 157 kóshe qamtylǵan. Bulardan ózge, Maqataev, Baıtursynov, Jarokov kóshelerindegi qozǵalys bóligi keńeıip, 15,7 shaqyrymǵa jańa asfált tóseldi. Jaıaý júrginshiler úshin 30 km trotýarlar salyndy.

Aıta keterligi, kóshe- jol jelilerine jóndeý jumystaryn júrgizgen merdigerlerge úsh jyldyq kepildeme beriledi. Osy kezeń ishinde jiberilgen kemshilikter men oryn alǵan olqylyqtardy olar óz qarjylary esebinen túzetýleri tıis.

Almaty ákiminiń tapsyrmasy boıynsha trotýarlar men aryqtardy abattandyrýǵa aıryqsha nazar aýdarylýda. Qoldanylmaıtyn konstrýksıalar alynyp, jasyl jelek júrgizilýde. Trotýarlarǵa tekserý júrgizilip, jaıaý júretinderge qıyndyq týǵyzatyn túrli qurylystardyń barlyǵy súrilýde.

Bıylǵy jyly kishi kólik aınalymynyń ótkizý qabiletin arttyrý úshin úsh jańa jolaıryǵy salynýda, birneshe kósheler ózgertilip, júrdek avtobýs dálizin jasaý uıymdastyrylýda, kópir qondyrǵylary jáne basqalary keńeıýde.

Qurylys basqarmasy tarapynan qalanyń tarıhı ortalyǵy jańǵyrýda. Aýdandyq ákimdikter barlyq jer asty ótpeli joldardy kúrdeli jóndeýde. Eger ótken jyly 500 aýla kóriktendirilse, bıyl taǵy da 600-den astam aýla jańarady.

Jalpy, Jolaýshylar kóligi jáne avtomobıl joldary basqarmasy tarapynan qazirgi kezde 123 kósheni jóndeý jumystary aıaqtaldy. 25 tamyzǵa deıin qalǵan 34 kóshedegi ortasha jóndeý jumystary júzege asady.

Sizder bilesizder, bizde jerdi qazý men túrli qubyrlardy tartýdy jaqsy kóretin Energetıka jáne komýnaldy sharýashylyq basqarmasy da bar.

Al shyndyqqa júginsek, olardyń atqaratyn jumystary barynsha jaýapty jáne óte kúrdeli. Olardyń eren eńbekteriniń arqasynda qala túrǵyndary jaryqpen, sýmen, jylýmen, kanalızasıamen qamtylýda. Tek sońǵy jyldyń ózinde ǵana 800 ınjenerlik jeli salyndy jáne jóndeldi.

Degenmen, ashyq konkýrsqa qatysqanymen óz mindetine jaýapsyz qaraıtyn merdigerler de bar, solardyń saldarynan olqylyqtardyń oryn alýda. Biz olardy kepildeme mindetteme aıasynda jumystaryn qaıta jasaýǵa májbúr etemiz.

Kóshelerdegi kemshilikterdi joıý úshin qosymsha 4 merdiger uıym men 12 arnaıy brıgada iske kiristi.

12 kóshedegi ınjenerlik komýnıkasıalar jańarǵan soń taǵy 12,5 km jol ortasha jóndeýden ótti.

Shuńqyrlar da jóndelý ústinde. 175 myń. m2 qala kóshe shuńqyrlary retke keltirildi. Jyl aıaǵyna deıin taǵy da 370 tys. m2 shuńqyr jabylady.

Keler jyl týraly sóz etetin bolsaq, Almatynyń Jolaýshylar kóligi jáne avtomobıl joldary basqarmasy qazirdiń ózinde 2019 jyldyń jumys josparyn jasaý ústinde.

Biz taǵy da 150 shaqyrymnan astam qala kóshelerin jóndeımiz.Qalanyń barlyq aýdandary ortalyqtandyrý qaǵıdasy boıynsha órkendeıdi. Almatynyń tómengi bóligine de basymdyq beriledi. Biz Sizderge arqa súıeımiz, almatylyqtar!

Almaty ákimdigi osy máseleler boıynsha Sizderden naqtyly usynystar kútedi. Sizdiń oıyńyzsha qaı jol jóndelýi nemese jańa trotýarlar jasalýy tıis?

Ótinimder osy jyldyń qyrkúıek aıaǵyna deıin qabyldanady. Bizge aqparatty arnaıy zhol.almaty@a-a.kz elektrondy jáshigine «Jóndeý qajet» nemese «Trotýar qajet» belgilerimen jibere alasyzdar.