Naýryzdy seziný... Sezinem dep, Sezilsin dep Naýryz, Estigenin jasap jatyr kári qyz! Kórgenimiz kóp emes pe, Kópirtip, Jol kórsettik bárimiz!   Jeti dámdi sanap jatyr bazarlap, Jetpeı qalsa bolmaıtyndaı soǵan naq. Telearnalar jasap qoıǵan ólshemin Estigenin, bilgenderin baǵamdap.   Kórsetem dep ata-baba dástúrin, Oqaly ton, qoshqar múıiz taqtyrdyń. Eki kúnde qaıta saldy sandyqqa, Esik jaqqa ilip qoıǵan basquryn!   Kórsetem dep merekeniń beınesin, Telearnalar kórsetýde termesin. Ulttyq oıý – evropalanyp ketipti Áshekeılep júrgizýshi keýdesin!   Kóńil tolar merekeniń túri me? Kire almadyq kórshiniń de úıine! Syrty qazaq, ishi basqa – týys kóp, Aıtshy munyń syry ne?   Áz Naýryz kelgen kezde ashylyp, Bata-tilek, bal-baýyrsaq shashylyp, Arqa-jarqa toılaýshy edik, átteń –aı, Dos-dushpandy berekege shaqyryp.   Keletinder merekelep kelmedi, Qý tirilik baılap alǵan pendeni. Bara almadyq biz de eshkimniń úıine Úze almadyq kermeni!   Balalar da tym ádemi kıinip, Qyryq úıge kire almady júgirip. Aqsaqaldar elge aqyl aıtpady, Al ájeler kórinbedi tyǵylyp.   Sezinem dep, Sezilsin dep Naýryz, Álimizshe kóje ishtik bárimiz. Birde bútin, Birde jyrtyq dúnıe –aı, Birde túk joq, birde toly sary ýyz?!   Unamasa shart synatyn taǵymyz, Aıǵyr bolyp, top bastady –aý jabymyz! Sezindirgen mızam shýaq mereıin Sen aman bol kóje istegen sary qyz...  

Sezinem dep, Sezilsin dep qınaldym, Qonaq kelse Naýryz kóje quıǵanmyn. Pende tur ǵoı, úkimettiń ózinde Biri de joq merekelik syılardyń!   Merekeni kútty –aý jurtym qaımana, Demalystaı seziledi jáı ǵana. Jetim qyzdyń toıy syndy ótýde Jym-jyrt qala, jym-jym aýyl, aınala!   Sezinem dep, Sezine almaı babamdy, Qandaı ýyt jaılap alǵan adamdy? Táńirge aıtar «Naýryznama tilegim» «Qorlattyrma, sorlattyrma sanamdy»!   Sezinem dep, Sezine almaı ájemdi, İshe almadym ájemmenen kójemdi. Alańdaǵy jetim toıdan qaıtyp kep, Aryz jadym óleńmenen kólemdi! 23.03.2015