Almatyda №17 men 62-shi baǵyttaǵy avtobýs quramy jańardy. Qazirgi zamanǵa saı, smart qurylǵylarmen jabdyqtalǵan kólikterdiń sapasymen qala ákimi Baýyrjan Baıbek tanysyp, megapolıste yńǵaıly avtobýstardy kóbeıtýdi tapsyrdy.

Bıyl transporttyq reforma aıasynda Almatydaǵy qoǵamdyq kólikterdiń 80 paıyzy jańalaryna aýystyrylady. Byltyr 479 avtobýstyń jartysynan kóbi qala búdjetiniń esebinen satyp alynǵan. Osy jyly 569 sý jańa qoǵamdyq kóliktiń 65 paıyzy jeke kompanıanyń qarajatyna alynbaq.

Jolaýshylar tarapynan túsetin shaǵymdar da kóbeıip ketken. Naryqtyń 40 paıyzyn qamtıtyn «Grın bas» kompanıasynyń kórsetetin qyzmetine turǵyndardyń kóńilderi tolmaıdy. Sonymen qatar, atalǵan kompanıanyń avtobýstarynda «Ońaı» júıesi durys jumys istemeıdi eken. Sony syltaýratyp, júrgizýshiler jol aqysyn ózderi alady.

Megapolıs basshysy Baýyrjan Baıbek tasymaldaýshy kompanıanyń qyzmeti nashar bolsa, qala tarapynan qoldaýdyń shekteletinin aıtty.  

«Biz úshin eń bastysy – qyzmet sapasyn kóterý. Jolaýshylardyń yńǵaıly avtobýstarda otyrýyn qamtamasyz etý. Tasymaldaýshy kompanıanyń kólikteri jańa, ishi taza, júrgizýshileri sypaıy bolsa, biz sýbsıdıalaýǵa daıynbyz. Al talapqa saı kelmese, qarajatty qaıtyp alamyz. Úsh jyl buryn osy transporttyq reformany bastadyq. Sodan beri jeke kompanıalar ózderin zańdastyryp, zań boıynsha jumys istep keledi», – dedi Almaty qalasynyń ákimi Baýyrjan Baıbek.