Almatylyq oqýshylar arasynda batyrlar jyryn jatqa aıtýdan ulttyq baıqaý bastaldy. Rýhanı jańǵyrý baǵdarlamasy aıasynda qolǵa alynǵan jobaǵa bıyl «Alpamys batyr» jyry arqaý bolady.

Baıqaýǵa 6 jáne 10 synyptar arasyndaǵy kez kelgen oqýshy qatysa alady. Eki kezeńnen turatyn dodanyń basty maqsaty – jastardy kitap oqýǵa baýlyp, ulttyq rýhty sińirý jáne daryndy balalarǵa barynsha qoldaý kórsetý.

Júlde qory - 3 mıllıon teńgeni quraıdy. Jeńimpazdardyń esimi 28 qyrkúıek kúni belgili bolady. Al júldeger atanǵan ár oqýshynyń ustazy Anglıaǵa aǵylshyn tilin úırený kýrsyna jiberiledi.

«Jalpy bul «Tulpar minip, tý alǵan» degen ulttyq joba memleket basshysynyń «Rýhanı jańǵyrý» baǵdarlamasynyń aıasynda Almaty qalasy ákimdiginiń bastamasymen qolǵa alynyp jatyr. Bizdiń qoıatyn talabymyz – balalar tek jyrdy jattap qana qoımaı, onyń ishindegi kónergen sózderdi, jer-sý ataýlaryn, olardyń mánin bilýi kerek. Óıtkeni, qazylar alqasy suraq qoıyp otyrady», – dedi aqyn, ulttyq joba jetekshisi Serik Seıitman.