Muǵaljar aýdany basshysy bir jylda 35 jetim balaǵa baspana syılaǵan

    Zhazira Baidaly
    Muǵaljar aýdany basshysy bir jylda 35 jetim balaǵa baspana syılaǵan

    Muǵaljar aýdanynyń ákimi Erbol Danaǵulov tamyz keńesinde aýdan búdjetinen bólingen qarjynyń 80 paıyzy bilim salasyna jumsalyp jatqanyn aıtty dep habarlaıdy Qamshy.kz aqparat agenttigi aktobenews.kz-ke silteme jasaı otyryp.

    «Aýdanda mektepterdiń barlyǵy oqýlyqtarmen tolyqtaı qamtamasyz etildi. 38 mektep, 26 balabaqsha, 5 qosymsha bilim berý mekemesi bar Muǵaljar aýdany bilim salasyna tıisti deńgeıde qoldaý kórsetip otyr. Aýdan búdjetiniń 80 paıyzy, ıaǵnı 5 mlrd 200 mln teńge osy salany damytýǵa jumsalady. Bıylǵy jyldyń ózinde aýdanymyzda úsh mekteptiń qurylysy bastalyp ketti», — deıdi Muǵaljar aýdanynyń ákimi Erbol Danaǵulov.

    Ákim aýdandaǵy jetim balalarǵa oqý jylynyń basynda páter kilti tabystalatynyn aıtty.

    «Aýdanda «Meıirimdi júrek» aksıasy boıynsha ata-ana qamqorlyǵynsyz qalǵan 74 balanyń esepshoty 12 mln teńgege deıin kóbeıtildi. Osydan úsh jyl buryn aýdanda 3 jetim bala úı alǵan. Bıyl oblys ákiminiń bastamasymen Qandyaǵash qalasynda 5 qabatty turǵyn úı qurylysy júrgizilip, 35 jetim bala baspanamen qamtamasyz etildi. Qazirgi kúni aýdanda oblystyq búdjetten taǵy 5 qabatty úıdiń qurylysy júrgizilip jatyr. Qyrkúıek aıynda ata-ana qamqorlyǵynsyz qalǵan taǵy 10 balaǵa úı berýdi josparlap otyrmyz», — deıdi Erbol Danaǵulov.

     

    Qatysty Maqalalar