Qazaqstandyq ártister Almatyda Halyqqa qyzmet kósetý ortalyǵynda memlekettik qyzmet kórsetti.
«Juldyzdardyń HQKO-daǵy bir kúni» aksıasy halyqtyń sıfrlyq saýattylyǵyn arttyrý maqsatynda uıymdastyrylǵan. Ánshi Aıjan Nurmaǵanbetova men «Jigitter» tobynyń múshesi Myrzahan Mahan Medeý aýdandyq HQKO-da elektrondy kezekke turý talonyn taratyp, kelýshiler tańdanysyn týdyrdy. Sondaı-aq olar halyqqa elektrondy úkimet saıty arqyly qujattardy rásimdeýdi úıretti.
«Meniń oıymsha, Halyqqa qyzmet kórsetý ortalyǵynyń qyzmetkeri bolý – úlken eńbek. Bul úshin boıyńnan baısaldylyq, sabyrlylyq qasıetteri tabylýy kerek. Jyly júz tanytyp, kúlimsireı bilý qajet. Bir menedjerdiń aldynan kúnine ondaǵan adam ótedi. Qazirgi kezde HQKO barýdyń asa qajettiligi joq, Kóp adam ásirese, meniń qatarlastarym ǵalamtor arqyly óz betimen qujat daıyndaýdy qıynsynady. Búgin biz munyń eshqandaı qıyndyǵy joq ekenin túsindirdik dep oılaımyz. Úıde otyryp-aq, memlekettik qyzmetti paıdalanýǵa ábden bolady», – dedi Aıjan Nurmaǵambetova.
Qazaqstandyq shoý-bıznes ókilderi Qaskeleń aýdandyq HQKO qyzmetkerlerine de kómektesti. Ánshi-sazger Marat Omarov tirkeý ornynda turyp talon taratsa, «Alash uly» toby menedjer retinde synalyp, klıentterge keńes berdi. Bul ortalyq Qarasaı aýdanynyń 19 aýyldyq orkýginen kún saıyn 2-3 myń azamatqa qyzmet kórsetedi.
«Azamattarǵa arnalǵan úkimet» memlekettik korporasıasy» KE AQ Almaty boıynsha fılıaly sıfrlandyrýdy damytý aıasynda árbir qazaqstandyq azamat ǵalamtor qyzmetin padalanýdy bilýi tıistigin aıtty.
«2020 jylǵa qaraı «Sıfrly Qazaqstan» memlekettik jobasy aıasynda halyqtyń 80 paıyzy kompúterdi ıgerip, memlekettik qyzmetterdi onlaın rejımde paıdalana alýy kerek. Sıfrlyq saýattylyq – qazirgi zamannyń talaby. Adamdar mobıldi bolýǵa umtylyp, qoldaǵy telefondarymen qujattar men anyqtamalardy alýdy úırengeni durys. Sıfrlyq qoltańbanyń ornyna, bir rettik SMS-habarlamany qoldanýǵa bolady. Damyǵan elder qataryna kirý úshin jańa tehnologıalardy árqaısysymyz meńgerýimiz kerek»,– dedi «Azamattarǵa arnalǵan úkimet» memlekettik korporasıasy» KE AQ Almaty boıynsha fılıaly PR-menedjeri Jańyl Ápetova.
Atalǵan aksıa Qazaqstannyń barlyq aımaqtarynda ótti. Halyqqa qyzmet kórsetý ortalyqtarynda Qydyráli Bolmanov, telejýrnalıst Ǵanı Japıshev, Qurmash Mahan men Shaharızat Seıdahmetov syndy ánshiler bir kúndik qyzmet kórsetti.
