Jora Morozov esimdi feısbýk qoldanýshysy óziniń paraqshasynda qazaqtyń tazysyn qorlap jatyr degen jazba jarıalaǵan bolatyn.
Mine, bir kún buryn jarıalaǵan jazbadan keıin, qýanyshymyzǵa oraı, mınıstr myrza máseleni óz baqylaýyna aldy. Qamshy.kz aqparat agenttigi Arystanbek Muhamedıulynyń feısbýktegi jazbasyn oqyrman nazaryna usynady:
"Dostarym, búgin túnde maǵan «Etnoaýyl» ulttyq-mádenı ortalyǵy aýmaǵynda («Qazanat» ıpodromy) eki tazynyń jaǵdaıy týraly silteme keldi. Tańnan bastap jaǵdaıdy anyqtaýǵa kiristim.
Mekeme balansynda birde-bir ıt joq. Itter turǵan qamaýlar «Etnoaýyl» aımaǵyndaǵy sharalarǵa qatysatyn syrttan ákeletin janýarlarǵa arnalǵan. Eki ıttiń de ıesi - Bekbolat esimdi jeke tulǵa, olardy Pavlodardan ákelipti. Onyń aıtýynsha, biraz ýaqyt buryn eki ıt qorshaýdan joǵalyp ketip, 10 kún izdestirýden keıin óte nashar jaǵdaıda qaıtarylypty. Itter joǵalǵany týraly polısıaǵa bergen aryzy bar.
Meniń nusqaýymmen eki ıtti de Astananyń veterınarlyq klınıkasyna aparyp, sol jerde tolyq medısınalyq zertteýden ótip, qajet em qabyldaıtyn bolady. Veterınarlardyń qorytyndysy boıynsha, janýarlardyń jaǵdaıy qanaǵattanarlyq: tazy standartqa sáıkes aryq bolýy kerek. Biz ıtterdi istiń mán-jaıyn anyqtaǵansha sol jerde qaldyrýdy sheshtik.
İshki qyzmettik tekserý bastaldy. Kináliler mindetti túrde jazalanatyn bolady. Itterdiń qojaıynymen kelisimshartty buzý týraly jáne Jora Morozovtyń operasıaǵa jumsalǵan qarjysyn ustap qalý týraly sheshim qabyldandy.
Post avtoryna janýarǵa degen meıirimi men adamgershiligi úshin alǵys bildiremin. Janýarlarǵa mundaı qarym-qatynasqa jol bermeýimiz kerek. Biraq ıtterdiń ıesi ber ekenin eskerip, onyń jekemenshigin tartyp ala almaımyz. Qajet bolsa, quqyq qorǵaý uıymdaryna júginemiz. Eger qojaıynynan ıtterdi alatyn bolsa, «Etnoaýyl» olardy óz sapyna qabyldap, qaýipsiz jáne jaıly ómir súrýlerine jaǵdaı jasaýǵa daıyn".
