Erlan Áýkenov sheteldegi oqýyn Londondaǵy ekonomıka jáne saıası ǵylymdar mektebi magıstratýrasyn «Qalalardyń damýy» baǵdarlamasy boıynsha bitirgen soń Almaty ákiminiń orynbasary laýazymyna qaıta oraldy.
Oqý barysynda ýrbanızasıa, qala aglomerasıasyn qalyptastyrý, ekonomıkalyq aımaq qurý, kólik júıesi men ınfraqurylymdy damytý,olardyń áleýmettik-ekonomıkalyq prosester men qala eklogıasyna áseri boıynsha dáris alyndy. Álemniń usaq jáne iri megapolsısterinde «Green Economy» jáne «Resilient city»syndy álemdik tájirıbeniń zamanaýı konsepsıalaryn engizý máseleleri zertteldi.
Almaty ákimdiginde Erlan Áýkenov kólik, áleýmettik jáne halyqty eńbekpen qamtý, TJ salalaryna basshylyq jasaıdy. Buryndary ol ndýstrıaldy-ınnovasıalyq damý, saýda, shaǵyn jáne orta bıznesti damytý máselelerin basqarǵan bolatyn.
Ol 2015 jyldyń tamyz aıynda Almaty ákiminiń orynbasary bolyp taǵaıyndalǵan edi. Araǵa eki jyl salyp oqýǵa túsýine baılanysty qyzmetinen ketken bolatyn.
Óz kezeginde ákimniń orynbasary Murat Dáribaev basqa jumysqa aýysýyna baılanysty qyzmetinen bosatyldy.
Almaty ákimi Baýyrjan Baıbek Murat Dáribaevqa atqarǵan qyzmeti úshin alǵys aıtyp, tabys tiledi. Sońǵy jyldary ol eńbek pen áleýmettik qorǵaý, qoǵamdyq kólikti jańartý, joldy jóndeý men salý salalarynda, sonyń ishinde BRT jelisin júzege asyrýda aýqymdy jumystar atqardy.
