Almatyda «Sergek» kamerasy iske qosyldy. Tas joldaǵy tártipti muqıat baqylaıtyn beınekameranyń bul túri ázirge tek Abaı dańǵyly men Seıfýllın kóshesiniń qıylysynda ornalasqan. Al jaqyn kúnderi Shevchenko jáne Panfılov kóshelerine de qoıylmaq. 

«Sergek» qazirshe testilik rejımde jumys istep tur. Demek, kameralar jol erejesin buzǵandardy anyqtaǵanymen, olarǵa aıyppul jazylmaıdy. Júrgizýshilerge mundaı raqymshylyq qashanǵa deıin jalǵasady?

«Búgingi kúni qalada bir aparattyq júıe qoıyldy. Ol Abaı dańǵylynda ornalasqan. Negizi, ony qoıar aldynda árıne, kóp jumys atqarylady. Polısıa kólik eń kóp júretin jerlerdi tańdap, avtobýs pen velosıpedtiń arnaıy joldary bar kóshelerge 20 shaqty aparattyq júıe ornalastyrady. Árıne, birden aıyppul jazyla bastamaıdy. Ol aldymen 2018 jyldyń sońyna deıin pılottyq rejımde jumys isteıdi. Eń bastysy, kólik jyldamdyqty asyrsa, aıyppul salady. Sondaı-aq, qyzyl baǵdarshamǵa ótkende jáne avtobýs pen velosıpedtiń arnaıy joldaryna shyqqanda, aıyppul salynady», – dedi jobany júzege asyrýshy kompanıa jetekshisi Áset Ahmetov.