Bostandyq aýdany ákimshiliginiń úlken zalyna jınalǵan ata-analar men balalar «Mektepke jol» qaıyrymdylyq is-sharasyna qatysyp, mektepke qajetti qural-jabdyqtarǵa ıe boldy. Osydan týra on bir jyl buryn elimiz boıynsha eń alǵash «Mektepke jol» dep atalatyn qaıyrymdylyq is-sharasy bastaý alyp, talaı balaǵa qýanysh syılaǵan edi. Sol úrdis orta jolda úzilip qalmaı kúni búginge deıin jalǵasyp keledi. Osy jyldar ishinde qanshama balanyń taǵdyry ońynan sheshilip, talaı bala basqa qurby-qurdastarynan qalyp ketpeı mektep partasyna otyrdy. Sol balalardyń aldy búginde azamat atanyp, úlken ómir jolyna attandy. Mine, jańa oqý jyly qarsańynda dástúrli úrdis taǵy da jalǵasyn taýyp otyr. Osynaý saýapty iske Bostandyq aýdany ákimshiligi, osy aýdannan saılanǵan qalalyq máslıhat depýtattary, bıznes ókilderi, memlekettik mekemeler, basqa da qoly ashyq azamattar kómekke zárý otbasylarǵa qoldaý kórsetip, kómektesip jatyr.

«Mektepke jol» aýdandyq ákimshiliktiń Májilis zalynda ótip, kóńildi baǵdarlama tolqy­nynda ótti. Bul kún, ásirese, bıylǵy jyly eń alǵash ret mektep tabaldyryǵyn attaǵaly otyrǵan búldirshinder úshin este qalar­lyqtaı oqıǵaǵa aınalyp otyr. Barsha ata-analar men mektep oqýshylaryn Bostandyq aýdany ákiminiń orynbasary Marjan Balbaeva quttyqtady.

– Dál qazir elimizde «Mektep­ke jol» is-sharasy qyzý ótip jatar. Búgingi basqosýda osy is-sharaǵa belsene qatysyp, kómek qolyn sozyp otyrǵan aýdan kásipkerlerine, aýdanymyzdan saılanǵan qalalyq máslıhat depýtattaryna, memlekettik mekemeler men barlyq izgi nıetti jandarǵa rahmet aıtqym keledi. Búgin biz biz osy is-shara aıasynda ózderiniń qujattaryn ótkizip úlgermegen 856 otbasy balasyna kómek kórsetkeli otyrmyz. Sonymen qatar, jalpy bilimmen qamtý qory esebinen 1144 balany mek­tepke qajetti qural-jabdyq­tarmen qamtydyq.

– Jańa oqý jyly qutty bolsyn! Ásirese, bıylǵy jyly mektep tabaldyryǵyn attaǵaly otyrǵan 3718 búldirshinniń 1-synyp oqýshysy atanýymen quttyqtaımyn, – degen Marjan Ertaıqyzy kelesi kezekti «Meniń tańdaýym – balalarǵa kómek kórsetý» dep, ózderiniń kómegin ala kelgen qonaqtarǵa usyndy. Sonymen, qalalyq máslıhat depýtaty Muhıt Ázirbaev – 86 balaǵa, Damır Shynybekov – 10 balaǵa, Stanıslav Kankýrov – 20 balaǵa, Marat Abdýllaev – 21 balaǵa, Islam Baıramýkov – 20 balaǵa, Vácheslav Banshıkov – 50 balaǵa kómek qolyn sozdy. Dál osy kúni «Spetr» kompanıa­synyń ókilderi Evgenıı Kýchkovskıı, Mıhaıl Grankın, «B.Braýn Medıkal Qazaqstan» JSHS ókili Ksenıa Pavlova, «L Capital Finance» JSHS dırektory Gúlsim İńkárbekova jáne Satý jáne servıstik qyzmet kórsetý bólimi­niń basshysy Gúlim Sháke­nova,  Bostandyq aýdanynyń Memle­kettik kirister basqarma­synyń basshysynyń orynbasary Qaırat Eleýsizov, Bostandyq aýdany İshki ister basqarmasynyń ıývenaldy polısıa bólimi bastyǵynyń mindetin atqarýshy, polısıa kapıtany Áıgerim Nurǵalıeva, Bostandyq aýdandyq medısına birlestiginiń ókili Izatıma Jakenova atyndaǵy qalalyq klınıkalyq juqpaly aýrýlar aýrýhanasynyń bas dárigeri Aıgúl Abdrahmanova, Bostandyq aýdanynyń Tótenshe jaǵdaılar bóliminiń bas mamany Gúlnar Madyhanova balalarǵa mektepke qajetti qural-jabdyq, sómke syılap, qýanyshqa keneltti. «Mektepke jol» qaıyrymdylyq is-sharasyna Bostandyq aýdany belsene atsalysyp jatyr.