Sh.Sarıev atyndaǵy  kórkemsýret jáne qoldanbaly-sándik óner mýzeıiniń uıymdastyrýymen «Týǵan jerin súıe almaǵan, súıe alar ma týǵan elin?» atty fotosýretshilerdiń oblystyq baıqaý-kórmesi máresine jetti. Elbasynyń «Bolashaqqa baǵdar: rýhanı jańǵyrý» baǵdarlamasy aıasyndaǵy shara halyqaralyq jastar kúnine oraılastyryldy.

Kórme sórelerinen baıqaýǵa qatysýshylardyń qalanyń biregeıligin, kórikti jerlerin, tarıhı jáne arhıtektýralyq eskertkishterin, rýhanı mádenıettilikti kórsetetin sýretteri oryn aldy. Uıymdastyrýshylardyń aıtýynsha, baıqaýǵa 12 fotosýretshiden barlyǵy 94 týyndy qabyldandy. Qazylar alqasynyń jumys qorytyndysymen bes qatysýshy júldeli oryndarǵa ıe bolyp, dıplom jáne qarjylaı syılyqtarmen marapattaldy.

Qyzylqoǵalyq J.Talasov baıqaý jeńimpazy bolyp tanyldy. Al, Atyraý qalasynan qatysqan M.Stadnıchenko men Mahambet aýdanynyń qatysýshysy T.Zeınedenova ekinshi oryndy qanjyǵaǵa baılasa, ısataılyq J.Qaıyrhanovqa úshinshi oryn buıyrdy. Sondaı-aq, áriptesimiz «Prıkaspııskaıa komýna» gazetiniń fototilshisi Á.Ábilǵazıev úshinshi orynǵa ıe boldy. Qalǵan jeti qatysýshyǵa Alǵys hattar tabystaldy.