QR Konstıtýsıasy kúnine oraı Tomarly aýylynyń turǵyndaryna 400 oryndyq jańa mádenıet úıi paıdalanýǵa berildi, dep habarlaıdy óńirlik komýnıkasıalar qyzmeti.

Saltanatty ashylý rásimine Atyraý qalasy ákiminiń orynbasary Polymbet Hasanov qatysyp, aýyl turǵyndarynyń rýhanı ómiriniń ortalyǵyna aınalý úshin osyndaı obektilerdi turǵyzýdyń mańyzdylyǵyn atap ótti.

– «Rýhanı Jańǵyrý» memlekettik baǵdarlamasyn iske asyrý barysynda Atyraýda kóptegen jumystar atqarylýda. Aýdanda jańa mýzykalyq mektep pen 6 balabaqsha, 3 mektep salýǵa jobalyq-smetalyq qujattama josparlanyp otyr. Olardyń qurylysy kelesi jyly qarjy bólingennen keıin bastalady. Jaqyn arada «Juldyz» shaǵyn aýdanynda 624 oryndyq jalpy bilim beretin mektep beriletin bolady. Sizderdi merekelerińizben shyn júrekten quttyqtaımyn, gúldenip,órkendeı berýlerińizdi tileımin! – dedi P.Hasanov.

Jańa eki qabatty mádenıet úıi ǵımaraty kitaphana, oqý zaly, konferensıalar men horeografıalyq bólmeler, shyǵarmashylyq ujymdar men basqarmalar úshin kabınetter, keń konsert zaly, sondaı-aq zamanaýı mýzykalyq jabdyqtar men tústi mýzykadan turady. Mádenı jáne buqaralyq is-sharalardy ótkizý úshin barlyq qajetti jaǵdaılar jasalǵan.

Aıta keteıik, óńirde 2017-2020 jyldarǵa arnalǵan qalany damytý josparynyń aıasynda 5 mádenıet úıiniń qurylysy josparlanǵan. Ótken jyly Jumyskerge 200 oryndyq mádenıet úıi tapsyryldy, osy jyly Tomarly aýylynda 400 oryndyq mádenı ortalyqtyń qurylysy aıaqtaldy. Jyl sońyna deıin Aqsaı men Atyraý aýyldyq okrýgterinde taǵy eki mádenıet úıi beriletin bolady. Qazirgi ýaqytta Erkinqala aýyldyq okrýginde 200 oryndyq mádenıet úıiniń qurylysy bastaldy.