Aqtóbe oblysyndaǵy Tuńǵysh Prezıdent atyndaǵy Mádenıet jáne demalys parki keńeıýde. Qurylys jumysynyń júzege asyrylý barysymen oblys ákimi Berdibek Saparbaev arnaıy tanysty.
Demalys saıabaǵynda ǵashyqtar aleıasy, ormandy jáne tarıhı aımaq, etnoaýyl, dekoratıvti jylǵa, sýburqaqtar, qala turǵyndary úshin basqa da demalys oryndary qarastyrylǵan.
Oblys ákimi Bókenbaı batyr kóshesindegi İT-ortalyq jáne jeńil atletıkalyq manej qurylysy barysyn kórdi. Jalpy quny 4 mıllıard teńge turatyn áleýmettik mańyzdy jobany júzege asyrý bıznestiń áleýmettik jaýapkershiligi aıasynda «Qazhrom» AQ jáne «SNPS-Aqtóbemunaıgaz» AQ kompanıalary qarjysy esebinen júzege asýda. Bul qurylystardy 2019 jyldyń sońynda iske qosý josparlanyp otyr. Munda İlıas Ispanov Bókenbaı batyr kóshesindegi joǵaryda atalǵan nysandardan basqa, jabyq sport stadıony, akvapark jáne sırk ǵımaraty boı túzeıtin qurylystar konsepsıasy týraly aıtyp berdi.
Jumys babyndaǵy qaraý Álıa dańǵylynan bastalyp, Ábilqaıyr han dańǵyly boıymen oblys ákimdigine deıin jáne Abaı býlvarynda jalǵasatyn birinshi jaıaýjol aımaǵyn qurý boıynsha jumystarymen tanysýmen aıaqtaldy. Jobada oryndyqtar ornatyp, jas kóshetter otyrǵyzý, avtorlyq shaǵyn arhıtektýralyq formalar, qurǵaq sýburqaqtar, jaryqtandyrýdyń túpnusqaly shamdaryn, balalardyń oıyn jáne sport alańshalaryn jasaqtaý qarastyrylǵan. Bolashaqta kóriktendirilgen jaıaýjol aýmaǵy qala turǵyndary men qonaqtary úshin qolaıly demalys ornyna aınalmaqshy.
«Saıabaq iske qosylǵan jaǵdaıda jergilikti turǵyndardyń saıaly saıabaǵyna aınalyp, qala kórki ajarlana túsetin dep oılaımyn. Adamdar jumystan sharshap kelgende, otbasymen demalyp, serigip qaıtatyn mádenı oryndar bolǵany jaqsy. Taza aýada otbasymen jıi serýendeý arqyly adamdar salaýatty ómir saltyn qalyptastyrady. Densaýlyqtary myǵym, jaman ádetterden aýlaq bolady. Osy oraıda óńirde jasalyp jatyrǵan jumystar az emes. Mádenı-demalys saıabaqtary, tynymbaqtar boı kóterýde. Aqtóbe jyldan-jylǵa kórkeıip, damyp keledi. Qala jasyl-jelekke aınalýda. Bul biz jáne keleshek urpaǵymyz úshin kóz qýantarlyq dúnıeler. Oblysta abattandyrý jumystary qarqyndy júrýde. Kózdiń jaýyn alarlyq ǵımarattar da salynyp jatyr. Óńirimiz órkendep, kórkeıe bersin,- deıdi qala turǵyndary.
Bul joba mundaı jaıaýjol aýmaqtary qala turǵyndarynyń aıtarlyqtaı oń baǵasyna ıe bolǵan Astana jáne Almaty qalalarynyń tájirıbesin eskerip júzege asyrylýda.
