Aqyly kirýdi tek tańǵy jumysqa barar ýaqytta uıymdastyrý josparlanýda, basqa ýaqytta kóliktiń kez kelgen túri úshin jol júrý tolyǵymen tegin bolady dep jazady Qamshy.kz aqparat agenttigi jergilikti BAQ-qa silteme jasap.
Qalanyń jol jelisine júktemeni tómendetý maqsatynda qalaǵa aqyly kirý jobasy pysyqtalý ústinde. Bul týraly qalalyq máslıhattyń kezekti sesıasynda Astana ákiminiń birinshi orynbasary Sergeı Horoshýn habarlady.
«Júrgizilgen zertteýler men Astanaǵa keletin kóliktiń keshendi taldaýy kórsetkendeı tańǵy 7 men 9 aralyǵynda kólik sanatyna baılanysty kirýdiń aqyly bolýyn engizý kólik quraldary qozǵalysy aǵynynyń ortasha jyldamdyǵyn 15-20-ǵa arttyrýǵa múmkindik beredi. Atalǵan jobany júzege asyrý MJÁ aıasynda josparlanǵan», - dep túsindirdi ákimniń birinshi orynbasary.
Onyń aıtýynsha, aqyly kirýdi tek tańǵy jumysqa barý ýaqytynda uıymdastyrý josparlanýda, basqa ýaqytta kóliktiń kez kelgen túri úshin jol júrý tolyǵymen tegin bolady.
Búgingi tańda, onyń sózinshe, qalaǵa kún saıyn alty magıstral (Astana-Qaragandy, Astana-Qostanaı, Astana-Pavlodar, Astana-Qosshy, Astana-Qorǵaljyn, Astana-Kókshetaý) boıynsha orta eseppen 82 000 kólik quraly kelip-ketedi eken.
Negizgi júkteme tańǵy saǵat 07.00-den 10.00-ge deıin - 13 500 kólik (shamamen 17%) keledi.
