Qant baǵasynyń qymbattaýy aqshaǵa qunyqqan ótkizýshiler men alypsatarlardyń saldarynan bolýda. Aýyl sharýashylyǵy men veterınarıa basqarmasy Almaty qalasyndaǵy sýpermarketterdegi, dúkenderdegi jáne bazarlardaǵy azyq- túlik taýarlaryna kún saıyn monıtorıń jasaýda. Sońǵy apta ishinde qant baǵasyn esh negizsiz kótergen oqıǵalar baıqaldy.

«Qant baǵasynyń kóterilýi alypsatarlyq sıpatqa ıe. Qant tapshy degen jaısyz habardy estı sala ony jetkizýshiler men ótkizýshile bazardaǵy qat baǵasyz kótergen, sonyń saldarynan qoldan jasalǵan alańdaýshylyq paıda bolǵan» - dep habarlady tamaq óndirisi bóliminiń basshysy Damır Tazabek.

Aıta keterligi, iri saýda oryndarynda qant baǵasy kóterilmegen. Turaqtandyrý qory taýar ıntervensıasyn josparly júrgizýde. Onyń ústine, turaqtandyrý qory otandyq óndirýshilerden taǵy da 1500 tonna qant satyp alýda josparlaǵan.

Jasalǵan saraptamaǵa saı bazardaǵy satýshylar men deldaldar ótkiziletin ónimniń ózindik qunyn 40%-ǵa deıin kóterýde. Al sýpermarketterde áleýmettik máni bar taýarlardyń kóterme baǵasy nebári 11%-dy quraıdy. Qazirgi kezde qaladaǵy qanttyń ortasha baǵasy - 245 teńge, ónimdi Almatyǵa deıin jetkizýdegi ár tonnanyń baǵasy 220 myń teńge.

Eske salsaq, 1 qazannan bastap Almaty jáne Jambyl oblystarynda (Aqsý, Kóksý, Merke) 150 myń tonna qant óndiretin 3 zaýyt iske qosylady dep kútilýde. Demek, qant tapshylyǵy men onyń baǵasynyń kóterilýi esh qısynsyz.

Budan ózge, Basqarma habarlaǵandaı, qazirdiń ózinde 10492 tonna qant bar, olardyń1500 tonnasy qoımalarda, 4000 tonnasy kásiporyndarda, 2236 tonnasy ýaqytsha saqtaý alańynda, 2756 tonnasy jolda.