Almatyda ótken dóńgelek ústelde qazaqstandyq munaı ónimderiniń óndirisi, aınalymy jáne sapasyn baqylaý máselelerin talqylady.
2018 jylǵy 10 qazanda Almaty qalasynda «Qazaqstanda munaı ónimderiniń óndirisi jáne aınalymy. Aǵymdaǵy jaǵdaıy men bolashaǵy» taqyrybynda dóńgelek ústel ótti.
İs-sharanyń uıymdastyrýshysy - «QazMunaıGaz Ónimderi» JSHS, qatysýshylar qatarynda qazaqstandyq munaı óńdeý zaýyttarynyń, memlekettik organdardyń, qoǵamdyq uıymdar men avtodılerlerdiń ókilderi boldy.
İs-sharany asha otyryp, «QazMunaıGaz Ónimderi» JSHS Bas dırektorynyń birinshi orynbasary – komersıalyq máseleler jónindegi orynbasary Tólemis Shotanov: «Qazaqstandyq zaýyttardy jańǵyrtý aıaqtalyp keledi, ol ishki naryqty tolyqtyryp qana qoımaı, sonymen birge bolashaqta janarmaıdy eksportqa shyǵarýǵa múmkindik beredi. Sonymen qatar, otandyq óndiristegi munaı ónimderiniń sapasy halyqaralyq standarttarǵa sáıkes keledi jáne sheteldik analogtardan kem túspeıdi» dep atap ótti.
Ekologıalyq klasy K4-K5 janarmaılarynyń aıyrmashylyqtaryn aıtqanda, zaýyttardyń ókilderi benzın men dızel otynynyń ekologıalyq kórsetkishteri aıtarlyqtaı jaqsarǵanyn atap ótti. Mysaly, klasy K5 janarmaıyna talap onyń quramyndaǵy kúkirt klasy K2 janarmaıyna qaraǵanda 50 ese tómendigin, benzoldyń úlesi 5% -dan 1%-ǵa deıin tómendegenin qarastyrady. Sáıkesinshe, bul avtokólikterdiń shyǵaryndylaryn tómendetýge yqpal etip, jalpy elimizdegi ekologıalyq ahýalǵa oń áserin tıgizetin bolady.
Dóńgelik ústeldiń qatysýshylary otandyq MÓZ jańǵyrtý jobalarynyń aıaqtalý, ekologıalyq klasy K4-K5 avtokólik janarmaılarynyń sapasyn baqylaý, qazaqstandyq janarmaıdyń sapasyn saqtaýyn qamtamasyz etýde zamanaýı tehnologıalar jáne sapasyn baqylaý týraly jan-jaqty aqparat aldy. «QazMunaıGaz» JMQS jelisiniń Synaqtaý ortalyǵynyń bir zerthanasyna baryp, olarǵa «ishinen» tikeleı baqylaý júıesiniń jumysyn óz kózderimen kórý, zerthananyń jabdyqtalýy men qyzmetkerlerdiń kásipqoılyǵyna joǵary baǵalaý múmkindigi týdy.
