Almatylyq kásipker Baqyt Nıazov Talǵat Musabaevtan qysym kórip, al onyń týǵan jıeni reıderlikpen aınalysyp jatqanyn aıtady. Gúlnar Musabaeva men onyń kúıeýi Vıktor Morozov qazaqstandyq bankterge mıllıard dollardan astam qarjy qaryz. Endi qazaqstandyq ınvestor Baqyt Nıazovtyń bıznesin tartyp almaq, dep habarlaıdy Qamshy.kz aqparat agenttigi ınformbúroǵa silteme jasap.

Jaqyn ýaqytta Almatynyń taý bókterinde salynǵan ınovasıalyq turǵyn úıge adamdar kóship kelý kerek. Joba arnaıy jas jubaılar úshin salynǵan. Biraq Baqyt Nıazov óz kásibin joǵaltyp alamyn dep qorqyp júr. Onyń aıtýynsha, seriktesi yqpaldy týysy – Talǵat Musabaevtyń atyn jamylyp bıznesti qoldy qylmaq oıy bar.

– «Sý qubyryn kesip tastaımyz, gaz qubyryn jaramyz. Órteımiz. Quqyq qorǵaý organdarynda másele týdyramyz» degen sózderdi kúnde estımiz. Hat túrinde de, aýyzsha da kúnde qorqytady. Musabaevtar otbasynyń qorqytqan qaǵazdary bir býma bolyp saqtalyp tur, - deıdi almatylyq kásipker.

Bul oqıǵa 2013 jyly bastaldy. Ol kezde Baqyt Nıazov 300 mıllıon teńgeni taýn-haýs qurylysyna quıǵan. Jerdiń ıesi ǵaryshkerdiń jıeni Gúlnar Musabaeva jáne onyń kúıeýi Vıktor Morozov. Qurylys jumystary júrgizilmedi, Nıazovqa aqsha qaıtarylmady. Tórt jyl ótkennen keıin Talǵat Musabaevtyń týystary Arab Ámirlikterinen tabyldy. 2016 jyly almatylyq kásipker erli zaıyptyǵa óz úlesin satyp alyp bonýs retinde birneshe páter beretinin aıtqan. Kelisim shartqa qol qoıyldy, biraq joba satyp alýshylar arasynda qyzyǵýshylyq týdyrǵannan keıin Musabaev pen Morozov sharttardy qaıta qarap, bıznesmennen eki mıllıon dollar berýin talap etken.

Baqyt Nıazovtyń aıtýynsha, Musabaevtyń jıeni páterdiń bolashaq ıelerin qorqytyp, aımaqqa kirý jolyn jaýyp, sotqa aryz túsirip, jan-jaqtan qysym kórsetip otyr. 

Kásipker Talǵat Musabaevqa da hat jazǵan eken. Amaly taýsylǵan Baqyt Nıazov polısıaǵa shaǵymdanýǵa májbúr bolǵan. 

«Mountain Drive» kompanıasynyń dırektory Daýd Mıstoevtyń aıtýynsha, shaǵym túsirildi, oǵan qosymsha retinde barlyq qujat qosa berildi. Biraq bizge «qylmys quramy joq» degen jaýap keldi. Belgili famılıaǵa baılanysta ma, bilmeımin.

Jýrnalıser QR Parlament Senaty depýtatynan jaýap alýǵa tyrysty. Talǵat Musabaev týystarynyń qaryzy týraly bilmeıtinin jáne "Almaty sotyna eshqandaı qysym kórsetip jatqan joqpyn" qysqa qaıyrdy.

Qazaqstandyq BAQ 2006 jyldan beri kredıt boıynsha qazaqstandyq bankterge 1,5 mıllıard dollar qaryz Musabaevtyń týystarynyń «Algabas Development» JSHS -sy bar ekenin anyqtaǵan.