Mańǵystaý oblysy boıynsha Memlekettik kirister departamenti Zań basqarmasynyń jetekshi mamany P.Q. Qylyshbaı 40 AEK mólsherinde, ıaǵnı, 96 200 teńge aqshalaı syıaqymen marapattaldy. Bul týraly QR QM Memlekettik kirister komıteti baspasóz qyzmeti málimdedi.

Qyzmetkerge syıaqy 5000 teńge kólemindegi parany alýdan bas tartqany úshin tabystalǵan.

«Mańǵystaý oblysy boıynsha Memlekettik kirister departamenti Zań basqarmasynyń jetekshi mamany P.Q. Qylyshbaı bir jolǵy aqshalaı syıaqy túrinde 40 AEK mólsherinde marapattaldy. Ol sybaılas jemqorlyq kórinisterine tózbeýshilik tanytqany úshin, atap aıtqanda, óz quzyretine kiretin máselelerdi jedel qaraý jáne Mańǵystaý oblysy boıynsha MKD ishki qaýipsizdik basqarmasyna ýaqytynda júgingeni úshin 5000 teńge somasynda para alýdan bas tartqany úshin aqshalaı kótermeleý aldy», — delingen habarlamada.

Al para berýshi «Qylmystyq quqyq buzýshylyq týraly» QR kodeksiniń 367-baby 1-bóligimen (para berý) kináli dep tanylyp, oǵan jaza túrinde 20 AEK kóleminde aıyppul salyndy.