Sońǵy kezderi álemdik BAQ betterinde túrli terorıstik toptardyń lańkestik áreketteri týraly jıi aıtylyp, jazylýda. Túrli dinı uıymdardyń atyn jamylyp, júzdegen beıbit turǵyndardyń ómirimen oınaǵandarǵa bir eldiń nemese bir halyqaralyq uıymnyń ámiri júrmeıtini túsinikti. Alaıda, keıbir Batystyq buqaralyq aqparat quraldarynda atalmysh terorıstik, ekstrımıstik toptarǵa jasyryn túrde qoldaý bildirip, qarjylandyryp otyrǵan memleketterdiń baryn aıtady. Sońǵy kezde, búkil adamzatty aıaǵynan tik turǵyzǵan "ISHIM" sodyrlary paıda bolyp, myńdaǵan turǵyndardyń óliminen jarty álemge shoý jasady. Bireýlerin atty, bireýlerin pyshaqqa saldy, endi bireýlerin tirideı órtep jiberdi. Myńdaǵan otbasynyń shańyraǵy ortasyna opyrylyp tústi. "The Times" keltirgen keıbir derekterde, "ISHIM" sodyrlarynyń qolynan qaza tapqandardyń sany mıllıonnan asyp jyǵylǵan. Ánsheıinde, bir-birleriniń ańdysyn ańdyp, á, dese atom bombasymen, joǵary sanattaǵy áskerı tehnıkalarymen doq kórsetetin AQSH ta únsiz, Reseıden de ún joq. Buny qalaı túsinýge bolady? Túsinetin túgi de joq. Sebebi, álgindegi jalǵan betperdeli terrorıster shyn máninde eshqandaı da terrorıster emes te. Dúnıeniń túkpir-túkpirinen jınalǵan tapsyrma oryndaýshylar ǵana. Qazirdiń ózinde belgili bolǵandaı, "ISHIM" sapynda 129 memlekettiń azamattary tirkelgen.
Jalpaq jurt "ISHIM-di" áńgime qylyp júrgende taǵy bir lańkestik top paıda boldy. 2-sáýir kúni batys hrıstıandary dinı merekelerin toılap jatqanda, Somalıdegi "Ash-SHabab" ekstırımıstik toby Kenıanyń Garıssa qalasyndaǵy ýnıversıtettiń stýdentteri men oqytýshylaryn basyp alǵan. Lańkestik toptyń sodyrlary kepilge alynǵandarǵa kush kórsetip, qarsylyq kórsetkenderdi qyryp salǵan. Qazirge belgili bolǵandaı shaýyldan barlyǵy 147 adam qaza taýyp, birneshe ondaǵan adam aýyr jaraqattar alǵan.
Oqıǵa kýágerleriniń biriniń baıandaýynsha, sýyq qarýlanǵan birneshe adam stýdentter ǵımaratyna basyp kirip, olardyń dinı senimderin suraǵan. Hrıstıan dininiń ókilderin tilge kelmesten atyp salyp otyrǵan.
"Olar túgeldeı qarýlanǵan. Oqý ǵımaratyna basyp kirip, bárimizden dinimizdi suraı bastady. Kenıa turǵyndarynyń 80 paıyzy hrıstıan dininiń ókilderi bolatyn. Olar Hrıstıan dini ókilderi men Hrıstostan járdem suraǵandardy óltirip tastady. Olardiń bireýi "Biz Ash-SHababtan bolamyz! Bizden qorqyńdar!" dep daýystady",-deıdi ýnıversıtet prorektory Kollınza Vetangýly.
"The Times" basylymynyń jazýynsha, sodyrlar kepilge alynǵan stýdentterge Kenıa úkimeti basshylaryna habarlasyp, Kenıa áskerleriniń Somalıden ketýin talap etken. Qazirgi tańda Kenıa áskerleri bir beısenbide 147 adamnyń janyn qıǵan "Ash-SHabab" sodyrlaryn zalalsyzdandyrǵan. Endi shabýyldan aýyr jaraqat alǵandarǵa "Qyzyl kres" uıymynyń belsendileri túrli kómekter kórsetýde.
Nurzat Toǵjan
