Elimizdiń saıası ómirinde zor serpilis ákelip, mıllıondaǵan qazaqstandyqtardyń júregine senim men úmit uıalatqan Elbasy Joldaýyn halqymyzdyń jyl saıyn asyǵa kútetini belgili. Elbasy Joldaýy el damýyndaǵy basym baǵyttardy aıqyndap bergen tarıhı qujat bolyp elimizdiń odan ári ósip-órkendeýine jol kórsetken jasampazdyqtyń jarshysy. Qazaqstan halqyna jol tartqan «Nurly jol – bolashaqqa bastar jol» Joldaýy el kútken eńseli nysanalardy belgileýimen erekshelenedi.
Syrtqy ahýal kúrdeli bolyp turǵan qazirgi kezeńde sheshilýi tıis mindetterdi kúnilgeri belgileý qajettiliginen el damýyndaǵy basym baǵyttardy aıqyndap bergen Elbasynyń bıylǵy Joldaýy qazaqstandyqtardyń ómiri men áleýmettik turmysyn jaqsartýǵa baǵyttalǵan úlken kóregendiktiń belgisi.
Tarıhı damýdyń túbegeıli maqsaty – adam, onyń ósip-ónýi, gúldenýi, damýy, jan-jaqty jetilýine jol ashý bolsa, Otanymyzdyń jetistikteri – árbir qazaqstandyqtyń ulttyq maqtanyshy. Kúshti, qýatty memleketter ǵana turaqty ekonomıkalyq ósýimen, beıbitshilikti turaqtandyrýmen aınalysady.
Memleket basshysy elimizde azamattar arasynda ózara senimdi nyǵaıtý, sondaı jolmen eshkimdi kemsitpeı, eshkimniń tili men dilin mansuqtamaı, barlyq azamattarǵa teń múmkindik berý arqyly turaqtylyq pen beıbitshilikti kún saıynǵy eńbekpen qorǵap nyǵaıtý qajettiligin aıtqan. Bul jolǵy joldaý sonysymen aıyryqsha mańyzdy. Joldaýda aıtylǵan taǵy bir ózekti másele – turǵyn úımen qamtý. Joldaýda aldaǵy ýaqytta memleket áleýmettik jaldamalyq úıler salyp, ony halyqqa satyp alý quqyǵymen uzaq merzimge jalǵa beriletini aıtylǵan. Bul halyqtyń kópten beri kókeıinde júrgen kúrdeli máselelerdiń biri. Qoljetimdi baspana baǵdarlamasy boıynsha osy kúnge deıin tek baqýatty jáne turmysy orta otbasylar úı satyp alǵan bolsa, endi ıpotekalyq nesıelerdiń paıyzdyq mólsherlemesi tómendetilip beriletini áleýmettik jaǵynan az qamtamasyz etilgen adamdardyń, ásirese jastardyń, jas otbasylardyń baspanaly bolýyna aıryqsha septigin tıgizedi.
«Turǵyn úı ınfraqurylymdaryn nyǵaıtý. Aglomerasıalar qalyptastyrý aıtarlyqtaı turǵyndar aǵynymen qatarlasa júredi. Bul eńbek naryǵy men qalalardyń ınfraqurylymyna, sonyń ishinde, turǵyn úı qoryna qysym týǵyzady. Sondyqtan jalǵa beriletin turǵyn úı qurylysyna kózqarasty qaıta qaraǵan jón. Memleket áleýmettik jaldamaly baspanany salyp, ony turǵyndarǵa satyp alý quqyn bere otyryp, uzaq merzimdi jalǵa usynady. Baspanany tikeleı, deldaldarsyz jáne nesıege barynsha tómen paıyzben usyný onyń satyp alý qunyn arzandatýǵa múmkindik beredi. Bastapqy jarnanyń bolmaýy men ıpoteka úshin tómen paıyzdar baspanany qazaqstandyqtardyń kóptegen jikteri úshin qoljetimdi ete túsedi. Sondyqtan 2015-2016 jyldar ishinde jalǵa beriletin turǵyn úı qurylysyn qarjylandyrýdy qosymsha 180 mıllıard teńge somasynda ulǵaıtamyz», - degen edi Elbasy Nursultan Nazarbaev. «Otandy súıý – babalardan mıras bolǵan uly murany qadirleý, ony kózdiń qarashyǵyndaı saqtaý, óz úlesińdi qosyp, damytý jáne keıingi urpaqqa amanat etip, tabystaý – barsha qazaqstandyqtardyń jumysynyń túpki máni – osy!» delingen joldaýda. Bul Jańa ekonomıkalyq Baǵdarlamany júzege asyrý úshin qazaqstandyq árbir azamatqa, ásirese jastarǵa úlken jaýapkershilik júkteledi. Joldaý jastar eki qoldy sybanyp, aıanbaı ter tógip eńbek etýge shaqyryp, elimizdiń bolashaǵyn órkendetýge óz úlesterin qosýǵa shabyttandyrady.
