8 Naýryz. Qamshy.kz - Jaqynda Astana qalasynyń turǵyndary Elorda bazarlarynyń birinde ornalasqan káýap ortalyǵynyń sóresindegi etter arasynda tabandaı egeýquıryqtyń kezip júrgenin uıaly telefonǵa túsirip alǵan. Keıin beıne jazba avtorlary atalmysh jazbany You Tube jelisine salǵan. Bazar mańynan ótip bara jatqan turǵyndar káýap etteri turǵan sóreniń ishinde emin-erkin kezip júrgen, tipti adamdardan jasqanbaıtyn egeýquıryqty áýesqoı kamera arqyly beınege túsirgen. Internet qoldanýshylary arasynda qyzý pikir-talas týdyrǵan atalmysh jazbany Ermek Qoıshybaev (Yermek Koishubayev) esimdi Elordalyq azamat  óziniń feısbýk áleýmettik jelisindegi paraqshasyna jarıalaǵan. Qoıshybaevtyń aıtýynsha, bul Astana qalasyndaǵy "Álem" jáne "Artem" bazarlarynda saýda úıleriniń biri bolýy múmkin. Tipti, Qoıshybaev káýaptar tizilgen sóre ishindegi egeýquıryqty "Ratatýe" dep ataǵan eken.

Al, Ratatýe "Ýolt Dısneı" shyǵarǵan múltfılminde kezdesetin ataqty Parıj asqanalarynyń birindegi aspaz egeýquıryq bolatyn.

Ázirge, atalmysh máselege qatysty eshqandaı is qozǵalmaǵan. Alaıda, qoǵamdyq oryndarda sanıtarlyq tazalyqty saqtamaǵan káýap ortalyǵy men bazar basshylary mundaı óreskel tártip buzǵany úshin zań aldynda jaýap berýi tıisti,dep esepteıdi bazar basshylarynyń áreketine ashýlanǵan astanalyq turǵyndar.

Rasynda, túrli ınfeksıalar men juqpaly indetterdi taratýshy ári tasymaldaýshy haıýan ekeni ámbege aıan. Uzyndyǵy 15-50 sm aralyǵyndaǵy, quıryǵy uzyn egeýquıryqty zalalsyzdandyrý, qandaı da bir juqpaly aýrýlardyń taralmaýyn qatań baqylaýǵa alý sekildi  jumystarǵa birden-bir  jaýapty mekeme - Astana qalalyq sanıtarlyq-epıdemıologıalyq bólim qyzmetkerleri bolmaq. Qaznet tutynýshylary arasynda asa keń tanymaldylyqqa ıe bola qoımasa da qoǵamdyq orynnyń et sóresin erkin kezip júrgen egeýquıryqtyń "kóz joımasa", arty juqpaly aýrýǵa ulaspasyna kim kepil?!

Nurzat Toǵjan