Oskardan sadaǵa ketsin «Kelin». Mundaı fılmderdi Oskar bosaǵasynan syǵalatpaıdy. «Kelini» de, «Shaly» da qazaqty qorlaıtyn fılmder. Ermektiń kınosyna túspek túgili, «Sen qazaq emessiń, qazaqtan óshin ala almaı júrgen jaýsyń!» dep betine aıtqam. Qazaqtyń ǵasyrlar boıy qalyptasqan minezin, bolmysyn keri aınaldyryp beredi. Mysaly, «Shalda» shal adasyp ketedi. Týǵan aýylynda adasqan qaı qazaqty kórdiń? Jylqynyń tabıǵatyn bilmeıdi. Tizgindi bos ustap, atty jiberip qoısań, ol úıin ózi-aq taýyp keledi. Qurtymtaı balanyń atyn Shaıtanbek dep qoıady. Qaı qazaq nemeresin Shaıtanbek deıdi? Saıda qulap jatqan atasyn nemeresi attyń ústine qalaı mingizdi? Aǵash shana taýyp, sonyń ústine jatqyzyp ákelse senýge bolar edi. Onyń bar oıy – shetelge aparyp qazaqty mazaq etý. Janna Isabaeva degen de solaı, rejıser emes.