Qazaqstanda qazaq tiliniń mereıin ústem etip onyń qoldanys aıasyn keńeıtý maqsatynda Qazaqstan boıynsha jarnamada qazaq tilinde jazylǵan mátinderde gramatıkalyq qate ketpeýin qadaǵalaý qolǵa alyndy. Eń birinshi bolyp Elordamyz Astana qalasynda túsindirme jumystary júrgizilip jatyr, dep jazady Qamshy.kz aqparat agenttigi.
Ókinishke qaraı, jarnamadaǵy memlekettik tilde jazylǵan mátinderdegi gramatıkalyq, stılısıkalyq qatelerdi jıi baıqaımyz. Óreskel qatelerdi jibergen kompanıaǵa eshqandaı jazalaý sharalary júrgizilmeıdi.
Marketologtardyń aıtýynsha, keıbir kompanıalar jarnamada ádeıi qate jiberip, onyń aınalasyndaǵy shýdyń arqasynda kompanıa atyn shyǵarady desedi. Endi qazaq tilindegi mátinderde jiberiletin óreskel qateler qatań baqylaýdy bolady.
Qazaqstan boıynsha aksıa bastaý aldy. Aksıa aıasynda «Qazaqstan Respýblıkasyndaǵy til týraly» Zańynda kórsetilgen normalardyń saqtalýy qatań baqylanady. Ol úshin kásipkerler arasynda túsindirme jumystary júrgizilip jatyr. Onda til týraly zań men Qazaqstan Respýblıkasy Úkimetiniń 2008 jylǵy 7 aqpandaǵy № 121 qaýlysynyń 7-tarmaǵynda kórsetilgen «Eldi mekenderde syrtqy (kórneki) jarnama obektilerin ornalastyrý erejesin bekitý týraly» ádistemelik túsindirý jumystary men oǵan qatysty týyndaǵan saýaldarǵa jaýap beriledi.
Qazaqstan Respýblıkasynyń «Til týraly» Zańynyń 21-shi babyna sáıkes blanki, jarnama, habarlandyrýlar, mańdaıshalar, preıskýranttar jáne t.b aqparat memlekettik tilde, ıaǵnı qazaq tilinde jazylady. Qajet bolǵan jaǵdaı da shet tilderinde shyǵady.
Kórneki málimettiń barlyǵy derlik berilý erejesine toqtalaıyq, ıaǵnı mátin eń aldymen qazaq tilinde jazylady da, mátin jarnamanyń sol jaq nemese joǵary tusyna ornalastyrylady. Al orys tilindegi mátin tómengi jaqqa nemese jarnamanyń tómengi tusyna ornalastyrylady. Áripter birdeı kólemde beriledi. Áripterdiń ólshemi berilgen talapqa saı bolýy tıis.
Aksıany uıymdastyrýshylar Astana qalasy turǵyndary men qonaqtaryn qaladaǵy jarnamalarda ketken qatelerdi baıqaǵan jaǵdaıda nemquraılyq tanytpaı, qateni túzeýdi talap etip, jarmany bergen kompanıaǵa habarlasýdy suraıdy. Qazaqstan Respýblıkasynyń Til týraly zańyna sáıkes talaptardy oryndalýyn talap etýge shaqyrady. Qateni baıqaǵan jaǵdaıda ony fotoǵa túsirip Til basqarmasynyń Facebook áleýmettik jelisine jiberýge bolady nemese 8 (7172) 55 67 29, 55 67 02, 8 778 52 37 907 nómirlerine habarlasyńyzdar.
