Mańǵystaý oblysynyń ákimi Eraly Toǵjanov Memleket basshysyna óńirdegi komýnaldyq qyzmetter tarıfteri týraly baıandady. Aqordada Elbasy Nursultan Nazarbaevtyń tóraǵalyǵymen ótken Qaýipsizdik Keńesiniń otyrysta elektr jáne jylý energıasyna qoldanystaǵy tarıfterdiń qalyptasýy, sondaı-aq energetıkalyq qyzmet naryǵynda baǵa belgileýdi baqylaýdy qamtamasyz etetin memlekettik organdardyń qyzmeti talqylandy.
Mańǵystaý oblysynda qoldanystaǵy tarıfterdi tómendetý boıynsha naqty sharalar qabyldandy. Aǵymdaǵy jyldyń 1 qyrkúıeginen bastap Aqtaý qalasy boıynsha elektr berý tarıfi 187 myń adamdy qamtýymen 26% - ǵa tómendedi. Budan basqa, aǵymdaǵy jyldyń 1 shildesinen bastap elektr energıasyn óndirý tarıfi 671,3 myń turǵyndy qamtýmen 8% - ǵa tómendedi. Eki energıa berýshi kompanıanyń elektr energıasyn jetkizý sqemasynan alyp tastaý arqyly Aqtaý qalasynyń qala mańy boıynsha tarıf 5 myń adamdy qamtı otyryp, 17% - ǵa tómendedi. Nátıjesinde barlyq oblys boıynsha elektr energıasyna tarıftiń jalpy tómendeýi orta eseppen 17% qurady.
«Prokýratýra organdary «MREK» AQ úshin 8,4 mlrd. teńge somasyna eńbekaqy qory men qaryz syıaqysy shyǵyndary bóliginde elektr qýaty tarıfynyń negizsiz bekitilýi boıynsha oblystyq monopolıaǵa qarsy Departamentke qatysty talap aryz berdi (eńbekaqy tólemderi qory 1,9 mlrd.teńge, jáne qaryz syıaqysy 6,5 mlrd.teńge).
Talap qanaǵattandyrylǵan jaǵdaıda, oblystyń barlyq turǵyndary úshin tarıf 20-30% tómendeıdi. 2018 jylǵa 1 kVt/saǵ úshin 2,32 teńgeden 1,74 teńgege deıin; 2019 jylǵa 2,49 teńgeden 2,06 teńgege deıin; 2020 jylǵa 2,66 teńgeden 2,18 teńgege deıin», - dedi oblys ákimi Eraly Toǵjanov.
Budan basqa, Memleket basshysynyń tapsyrmasyna sáıkes barlyq shaǵyn Elektrjelilik kompanıalardy ońtaılandyrý boıynsha jumystar júrgizilýde. Bul elektr energıasynyń tarıfin ortasha eseppen 7% - ǵa 16,85 teńgeden 1 kVt/saǵ úshin 15,74 teńgege deıin tómendetýge múmkindik beredi.
Sondaı-aq, "MEBK" AQ Elektrjelilik kompanıasynyń aldyna 9,2 mlrd.teńge somasyna Elektrmen jabdyqtaýdyń jańa jelilerin salýdy esepke ala otyryp, ınvestısıalyq baǵdarlamany qabyldaý mindeti qoıyldy.
