Almaty ákimi Baýyrjan Baıbek jumys sapary kezinde qalanyń jaryq kózderiniń júıesin jańartý jáne megapolıstiń mańyzdy tarıhı nysandaryn jaryqpen arhıtektýralyq nurlandyrý jumystaryn tekserdi.
Bıylǵy jyly qaıta jańarǵan Abaı, Abylaı han jáne Nazarbaev dańǵyldarynda dıodty jaryq kózderi bar 700-ten astam jaryq baǵanalary aýystyryldy, bul shamdar energıanyń jumsalýyn 30%-ǵa qysqartady jáne uzaq merzimdi.
Alynǵan eski baǵanalar buryn eshqandaı jaryq kózderi bolmaǵan Alataý aýdanynyń 15 kóshesine ornatylady. Qazirdiń ózinde 195 baǵana Aqsaı jáne Ótemis kóshelerine jetkizildi.
Jalpy jyl aıaǵyna deıin Almatyda 24 myńnan astam jaryq kózderi nemese olardyń 31,5%-y energıa jınaqtaýshy jáne jaryq dıodty shamdarǵa aýystyrylady. Taǵy da 266 km jaryq kózin modernızasıalaýdyń jobalyq-smetalyq qujattary jasalýda.
Bulardan ózge, qaıta jańarǵan 1400 aýlalarǵa jańa jaryq kózderi ornatylǵan.
Tarıhı mańyzy bar nysandardy keshke qaraı jaryqpen arhıtektýralyq nurlandyrý jumysy odan ári jalǵasýda. Taıaýda ǵana «Qazaqstan» qonaq úıi men Ortalyq demalys jáne mádenıet saıabaǵynyń kire berisi erekshe nurǵa bólendi.
Almatyda ǵımarattardy, nysandardy, landshaftardy biryńǵaı arhıtektýralyq stılde nurlandyrý aıasynda sońǵy eki jylda 130 obekt keshke qaraı erekshe kelbetke ıe boldy.
Olardyń arasynda Respýblıka Saraıy, Táýelsizdik Monýmenti, Kóktóbe telemunarasy, Abaı atyndaǵy MATOB, Áýezov jáne Lermontov atyndaǵy teatrlar, Qasteev atyndaǵy jáne Yqylas atyndaǵy mýzeıler, Ortalyq meshit, Sváto-Voznesenskıı kafedraldy sobory bar. Barlyq jobalar búdjetten tys qarjylar esebinen júzege asýda.
Aıta keterligi, Memleket basshysy Joldaýynyń mańyzdy baǵytynyń biri ýrbanızasıa máselesin sheshý men qalalardy odan ári damytý bolyp tabylady.
Aıta keterligi, qala keńistigin jaqsartý aıasynda megapolıstiń tarhı ortalyǵynyń úshten ekisi jańardy, 524 kóshe men 1400 eski aýlalar qaıta jasaldy. 300 km aryq, 800 km astam ınjenerlik júıe rekonstrýksıalandy. Qalanyń barlyq jer asty joldary kúrdeli jóndeýlerden ótti.
Kóshedegi barlyq jaryq kózderiniń úshten biri dıodty jáne energıany saqtaıtyn shamdarǵa aýystyryldy. Jyl aıaǵyna deıin jańa qoǵamdyq kóliktiń úlesi 80%-ǵa jetedi.
