Almatydaǵy jer qoryn tıimdi paıdalaný týraly másele ákimdik alqasy men qala prokýratýrasynyń birlesken jıynynda talqylandy.
«Memleket basshysynyń halyqqa Joldaýynda jer máselesine erekshe nazar aýdarylyp, «jer qatynastary salasyna tekserý júrgizip, isti retke keltirip, jerdi naqtyly ınvestorlarǵa berý qajet» delingen. Qazirdiń ózinde Almatyda ıgerilmegen 2,4 myń jer teliminiń bar ekeni anyqtaldy, onyń 27%-y aınalymda, 47%-y 10 ese salyq salý úshin memlekettik kiris Departamentine jiberildi, úsh ýchaske erikti túrde memleket paıdasyna qaıtaryldy. Osy oraıda qala prokýratýrasy úlken is tyndyrdy jáne Prezıdent bergen tapsyrma aıasynda bul jumys ári jalǵasatyn bolady», - dep atap ótti Almaty ákimi Baýyrjan Baıbek.
Mysaly, ýaqytsha paıdalaný merzimi bitken jalǵa berligen jerlerge tekserý júrgizý bastaldy. Búgingi kúni prokýrorlar jal aqysyn tólemeı paıdalanylyp kelgen 34 jer telimin anyqtady. Bul jerler memlekettik qorǵa qatarylatyn bolady.
Alqa otyrysynda qala prokýrory Berik Júıriktaev sońǵy eki jyl ishinde megapolıstiń ınfraqurylymyn damytý jáne jol aıryqtary men joldar salý maqsatynda 300-dǵen astam jer telimderiniń qaıtarylǵanyn habarlady. Júrgizilgen tekserý barysynda qujattardyń qoldan jasalǵandyǵy, jer baǵasynyń negizssiz kóterilgeni anyqtaldy. Osyndaı zańsyz is-áreketterdiń saldarynan memleketke kelgen shyǵyn 2,5 mlrd. teńgeni quraǵan, prokýratýra júrgizgen sharalar arqasynda 1,5 mlrd. teńge shyǵynnyń orny tolǵan.
«Bul salada túrli quıtyrqylar jasalady. Obektiniń árbir ıesi kompensasıa baǵasyn kóterýdiń túrli joldaryn izdestiredi. Olar úshin eń qolaılysy jalǵan qujattar men baǵany kóterý. Qylmyskerler barlyq qujattardy – jergilikti organdardyń sheshimderin, tehpasportty, nysandy iske qosý aktisin qoldan jasaıdy. Biz jalǵan qujattardyń 14 faktisin anyqtadyq, bulardan keletin shyǵyn 2 mlrd. teńgeni quraıdy. Bularǵa qatysty qylmysty is qozǵaldy, shyǵynnyń ornyn toltyrý sharalary júzege asýda, - dedi Berik Júıriktaev.
Ol óziniń sózinde qazirgi kezde prokýratýra tarapynan baǵalaýshylardyń bergen qorytyndysyna salystyrmaly saraptama júrgizilgenin jáne keleńsiz faktilerdiń anyqtalǵanyn aıtty. Qujattardy qaıta tekserý kezinde isti sotta qaraýǵa basymdyq beriledi. Búgingi kúni sotta qaralǵan 5 obektiniń alǵashqy quny 500 mln. teńgege tómendegen. Qarsylyq bildirilgen 12 is qaralýda, olardyń baǵasy 300 mln. teńgegeg tómendıdi dep kútilýde.
Qalalyq prokýratýranyń málimeti boıynsha jalǵa berý merzimi ótip ketken jerlerge qatysty keleńsiz faktilerge oryn berilgen. Sońǵy 10 jyl ishinde ýaqytsha paıdalanýǵa jalpy kólemi 3,7 myń gektar bolatyn 18 myń jer telimi berilgen, onyń ishinde oblysqa tıesili jerler de bar. Adamdar jalǵa berý merzimi ótip ketse de jerdi paıdalnyp kelgen ári ony uzartýǵa esh áreket etpegen. Sonyń saldarynan búdjetke jal aqysy retinde eshqandaı qarjy túspegen.
Jalpy, prokýrorlyq qadaǵalaý aktisi boıynsha qazirgi kezde Almatyda ıgerilmegen jer telimderine 10 dúrkin salyq salý jumystary qolǵa alynǵan.
«Mysaly, kóppáterli úı salynýy tıis 43,9 ga jer ýchaskesine 10 dúrkin salyq salynsa, onyń kólemi 120 mln. teńgeni quraıtyn bolady», - dedi qadaǵalaýshy organdaǵylar.
