Almaty ákimi Baýyrjan Baıbek AQSH-tyń Bas konsýly Erık Maıermen kezdesti. Kezdesý kezinde taraptar saýda-ekonomıkalyq, ınvestısıalyq, mádenı-gýmanıtarlyq yntymaqtastyqtyń keń spektrli máselelerin talqylady.
Kezdesý barysynda AQSH-tyń Bas konsýly Qazaqstannyń iskerli, mádenı, bilim jáne ǵylym ortalyǵy bolyp tabylatyn Almatynyń eki jaqty baılanys úshin mańyzdy ekenin atap ótti.
«Almaty – Amerıka konsýldyǵy jáne Qazaqstanda bıznes ashýǵa yntaly AQSH kompanıalary júginetin Amerıka saýda palatasy ornalasqan Orta Azıadaǵy jalǵyz qala. Men munda 2004 jáne 2008 jyldary bolǵan edim. Qala sondaı tartymdy, qaıta aınalyp kele bergiń keledi, osy jerde jumys isteýge múmkindik týǵanyna qýanyshtymyn. Men Almatyda úlken oń ózgeristerdiń bolǵanyn kórdim, jaıaý júrginshiler úshin jaqsy ınfraqurylym jasalypty, qoǵamdyq keńistik barynsha ashyla túsken», - dedi Erık Maıer.
Aıta keterligi, Almatyda qazirgi kezde telekomýnıkasıa, qarjy, saýda jáne basqa salalarda amerıkandyq kapıtalmen 168 kompanıa jumys isteıdi. Almaty men AQSH arasyndaǵy taýar aınalymy ótken jyly 400 mıllıonnan astam dollardy qurady.
