Memleket basshysy osydan 10 jyl buryn Almatyda jańa Alataý aýdanyn qurý týraly Jarlyqqa qol qoıǵan edi.

Búgingi kúni aýdan megapolıstiń jedel órken jaıǵan eldi óńirine aınaldy, on jyl ishinde aýdan turǵyndarynyń sany 70%-ǵa ósip, 250 myńnan astam adamǵa jetti. Ortalyqtandyrý qaǵıdasy boıynsha munda 12 mektep, osynshama medısınalyq mekemeler, sonymen qatar 98 memlekettik jáne jeke bala baqshalar ashyldy.

Almaty ákimi óziniń sózinde 10 jyl ishinde aýdandy damytýǵa 430 mlrd. teńge jumsalǵanyn, 30 myńnan astam jumys orny qurylǵanyn, 2,7 mln.kv.m. turǵyn úı salynǵanyn aıtty.

«Elbasy osy 10 jylda Alataý aýdanyna 10 ret keldi. Memleket basshysy aýdannyń damý barysymen turaqty tanysyp, udaıy qoldaý bildirýiniń arqasynda búginde Alataý aýdany qala turǵyndary men qonaqtary úshin jańa ortalyqqa aınaldy. Búgingi kúni qalamyzdyń árbir 7-shi turǵyny Alataý aýdanynda turady, sondyqtan jaıly qala keńistigin qurý maqsatynda bıylǵy jyly 600 oryndy taǵy bir mektep jáne 880 oryndy tórt jańa bala baqsha iske qosylady. Bulardan ózge, taǵy bir jańa aýrýhana men eki emhana salynady», - dep atap ótti Baýyrjan Baıbek.

Ol óziniń sózinde bolashaqta Alataý aýdany Almatynyń qýatty óndiris ortalyǵyna aınalatynyn aıtty. El Prezıdentiniń ındýstrıalandyrý baǵdarlamasyn usynǵan bastamasy aıasynda munda arnaıy Indýstrıaldy aımaq quryldy. Qyrkúıek aıynda ǵana aýdanda japondyq, reseılik, qytaılyq jáne ıtalándyq ınvestısıalar esebinen birneshe joǵary tehnologıaly zaýyttar ashyldy.

Alataý aýdanynda birqatar mádenı jáne sport obektileri boı túzedi, onyń ishinde «Alataý» dástúrli óner teatry, dástúrli mýzykanyń mýltımedıalyq ortalyǵy, Qolónershiler ortalyǵy, Ýnıversıada murasy - «Almaty Arena» jáne «Rýhanı jańǵyrý» baǵdarlamasy aıasynda jeke qarjy esebinen salynǵan jeńil atlet stadıony bar.