«Aqbulaq» shaǵynaýdanynyń turǵyndary jańa aryq júrgizý máselesin qalalyq «Nur Otan» partıasynyń qoǵamdyq qabyldaýynda kótergen bolatyn. Jergilikti halyq kúz-kóktemde jańbyr jaýǵanda aýlamyzdy sý alyp, batpaq keship júremiz dep shaǵymdanǵan. Jurttyń janaıqaıyna mamandar qulaq asyp, tez arada aryq júıesin jasap berdi.
«Jańbyr jaýǵan saıyn bizde aýlanyń bárin sý basyp qalatyn. Bizdiń aryǵymyz ylǵı bitelip, jumystyń ary qaraı jalǵasy bolmady. Rysqulov kóshesine deıin kelip tireledi de, ary qaraı aqpaıtyn. Sýdyń bári kólkip, osy jerde jınalatyn. Bıyl mine, aryq ary qaraı jalǵasyn taýyp, Ortalyq muraǵatqa deıin uzartyldy», – dedi Rolan Mýsın.
