Almatyda 2021 jylǵa qaraı analogtik habar taratý tolyqtaı óshiriledi. Qazir «Sıfrly Qazaqstan» memlekettik baǵdarlamasy aıasynda qalada sandyq habar taratý jobasy qolǵa alyndy.
Al respýblıka kóleminde bul shara kezeń-kezeńimen júrgiziledi. Jyl sońyna deıin dástúrli analogtik habar taratý júıesi Mańǵystaý, Túrkistan oblystary men Shymkent qalasynda toqtatylady. Sandyq formatqa aýysý eldi-mekenderde joǵarǵy sapada 30-ǵa jýyq telearnanyń sıgnalyn qabyldaýǵa múmkindik beredi. Eń bastysy, jańa sıfrly júıege qosylǵan abonentterden tólem alynbaıdy.
«Sandyq habar taratý elimiz úshin basym baǵyttardyń biri. Oǵan aýysý kezeń-kezeńmen júrgiziledi. Nátıjesinde, televızıalyq jáne radıohabarlardyń sanynyń artýyna múmkindik bermek. Bir jaǵynan jarnama naryǵyn da damytýǵa septesedi. Oblys ortalyqtary men qalalarda 30 telearnaǵa deıin, aýyldarda 15 telearnaǵa deıin kórýge bolady. Qazirdiń ózinde ol arnaıy qurylǵy arqyly qoljetimdi», – dedi «Qazteleradıo» AQ basqarmasy Almaty oblystyq radıo, telehabar taratý dıreksıasynyń dırektory Qaısar Razdyqov.
