Almatyda «Pedagogıkalyq ıdeıalar panoramasy» dep atalatyn respýblıkalyq baıqaýdyń óńirlik kezeńi máresine jetti. 1 maýsymda bastalǵan aıtýly sharany «Órleý» Biliktilikti arttyrý ulttyq ortalyǵy» uıymdastyrǵan.

Baıqaýdyń ereksheligi sol, oǵan jańasha oılaıtyn, izdenimpaz, zamanaýı tehnologıalardyń tilin meńgerip, dáristi oqýshyǵa jeńil ári qyzyqty etip ótkize alatyn muǵaldimder qatysty.

Ustazdar konkýrsy 22 nomınasıadan turady. Basty maqsat – Biryńǵaı aqparattyq-bilim keńistiginde zamanaýı pedagogıkalyq tájirıbeni jınaqtaý jáne nasıhattaý, pedagogterdiń aqparattyq-kommýnıkasıalyq jáne tehnologıalyq quzyrettilikterin arttyrý. Baıqaýǵa mektepke deıingi, orta, qosymsha, tehnıkalyq jáne kásiptik mektepterdiń muǵalimderi qatysty.

Erejege sáıkes, pedagogtar sabaqty vıdeo-formatta jáne praktıkalyq-zerthanalyq negizde ótkizgen. Barlyǵy 115 muǵalimniń jumysy ádil qazylar alqasynyń saraptaýyna jiberilipti.

Baıqaý nátıjesinde 61 muǵalimge sertıfıkat berilgen. Al, 22 nomınasıa boıynsha júldeli oryndardy ózara bólisken 54 ustaz respýblıkalyq kezeńde baq synaıtyn bolady. Atalǵan saıysta muǵalimderdiń jumystary kópshilik nazaryna usynylyp, keıin daýys berý arqyly jeńimpaz anyqtalady.