Almaty múmkindigi shekteýli jandarǵa 4 mıllıard teńge jumsapty. Bul qarajatqa járdemaqy, arnaıy áleýmettik qyzmetter men sanıtarlyq-kýrorttyq emdeý jumystaryn uıymdastyrý da kiredi.
Qazir qalamyzda 42 myńǵa jýyq múgedek bolsa, olardyń 5 myńy – balalar. Búgin Halyqaralyq múgedekter kúnine oraı, erekshe balalardyń qoldarynan shyqqan dúnıe kópshilik nazaryna usynyldy.
«Bizdiń basqarma «Rýhanı jańǵyrý» baǵdarlamasy aıasynda múmkindigi shekteýli balalardyń qatysýymen túrli is-shara ótkizip jatyr. Qazir balalardyń ózderi qatysýǵa nıet bildiretin boldy. Ózderińiz kórip turǵandaı, kórmege balalardyń óz qoldarynan shyqqan dúnıeler qoıylǵan. Biz báriniń teń quqyqta bolǵanyn qalaımyz», – dedi Almaty qalasy Jumyspen qamtý jáne áleýmettik baǵdarlamalar basqarmasy basshysynyń orynbasary Lázzat Jetibaeva.
