Almatyda «Sıfrlyq kúz» erekshe sharasy bastaldy. Konsert kezinde mýzykanttar smartfonnan kúı tókti.

Qazaq ulttyq konservatorıasynyń stýdentteri sahnaǵa shyǵyp, konsert qoıdy. Biraq, olar áýendi mýzykalyq aspapta emes, smartfonda oınady.

Basynda áýendi smartfondar hory men solıser oryndasa, odan keıin áýenge zal da qosyldy.

Keıin belgili bolǵandaı, sıfrlyq mýzyka Faust baǵdarlamalaý tilindegi qosymsha arqyly jasalǵan.

Telefonnyń keńistiktegi ornalasýyna baılanysty qosymshanyń dybysy ózgerip otyrady.

Grame: Smart Faust - kompozıtorlar, mýzyka avtorlary, oryndaýshylar, ártisterdiń basyn qosyp, ınovasıalyq mýzyka jazýǵa arnalǵan alań. Ár maýsym saıyn munda 20 álemdik kompozıtor jınalyp, shyǵarmashylyq rezıdensıa uıymdastyrady.

Bıylǵy «Sıfrlyq kúz» sharasy barysynda 10 seksıa ashylady.

Bul baǵdarlamalarǵa qatysatyn fransýz kompozıtorlary qazaqstandyq stýdentterge sıfrlyq mýzyka taqyrybynda master klass ótkizedi.

Atalǵan sharany Fransıanyń Qazaqstandaǵy elshiligi, QR Aqparat jáne komýnıkasıalar mınıstrligi jáne Almaty ákimdigi uıymdastyryp otyr.