Almatyda shaǵyn jáne ortaz bıznes ókilderiniń quqyǵyn qorǵaıtyn kásipodaq quryldy. Óıtkeni, bul salada shamamen, 1 mıllıonnan astam adam eńbek etedi.

Ashylǵanyna bir aı da bolmaǵan salalyq uıymǵa qazirdiń ózinde 15 myńnan astam jumysker tirkelip úlgergen. Bolashaqta kásipodaqtaǵy jumyskerler sanyn 100 myńǵa jetkizý josparda bar. Jańa formattaǵy kásipodaq frılanserlerge, ıaǵnı ózin-ózi jumyspen qamtyp júrgenderge de kómek kórsetpek. Mamandar elimizde 2 mıllonnan astamdy osy topqa jatqyzǵan. Jańa kásipodaqtyń jumys barysy tek elektrondy túrde, al qarym-qatynas mobıldi qosymsha arqyly júzege asady.  

«Osy salada kásipodaqtyń bolýy, kásipodaqtyń jumys berýshilermen birlesip jumys isteýi óte mańyzdy. Sondyqtan biz kásipodaqtarǵa kirip, osy jumysty jandandyrýǵa kúsh salamyz. Jumyskerlerdiń kópshiligi osy orta jáne kishi bızneske aýysyp jatyr. Al jumyskerlerdiń quqyǵynyń qorǵalýy qazirgi tańda álsiz, nashar dep aıtýǵa bolady», – dedi QR Kásipodaqtar federasıasy Áleýmettik-ekonomıkalyq qatynastar jáne áleýmettik áriptestik komıtetiniń tóraǵasy Satybaldy Dáýletalın.